മലയാറ്റൂരിൽ കാർ ചിറയിലേക്ക് വീണുണ്ടായ അപകടത്തിൽ രണ്ട് പേർ മരിച്ചു. ഇടുക്കി ഉപ്പുതറ സ്വദേശി ശ്രീനിവാസൻ, മുരിക്കാശ്ശേരി സ്വദേശി ബിനു എന്നിവരാണ് മരിച്ചത്. മറ്റൊരു യാത്രക്കാരൻ അഖിൽ കാറിന് പുറത്ത് നിന്നതിനാൽ രക്ഷപ്പെട്ടു. അടിവാരത്തുള്ള മണപ്പാട്ട് ചിറയിലാണ് അപകടമുണ്ടായത്. പെരുമ്പാവൂരിലെ സ്വകാര്യ സ്ഥാപനത്തിലെ ജീവനക്കാരാണ് അപകടത്തിൽ മരിച്ച രണ്ടുപേരും. നക്ഷത്ര തടാകം കാണുന്നതിന് എത്തിയ മൂന്നുപേരും സഞ്ചരിക്കവേ അഖിലിന് ഫോൺ വന്നതിനെ തുടർന്ന് കാർ നിർത്തി പുറത്തിറങ്ങി. തിരിച്ച് കാറിൽ കയറാൻ എത്തും മുൻപ് കാർ സ്റ്റാർട്ടാക്കുകയും നിയന്ത്രണം നഷ്ടപ്പെട്ട കാർ ചിറയിലേയ്ക്ക് മറിയുകയുമാണുണ്ടായത്. രക്ഷാപ്രവർത്തനം ഉടൻ നടത്തിയെങ്കിലും കാറിനുള്ളിലുണ്ടായിരുന്ന രണ്ട് പേരും ശ്വാസം മുട്ടി മരിച്ചിരുന്നു.
ഇടുക്കി ഉപ്പുതറ സ്വദേശിയാണ് ശ്രീനിവാസൻ, ബിനു മുരിക്കാശ്ശേരി സ്വദേശിയും. ബിനു ആയിരുന്നു വാൻ ഓടിച്ചിരുന്നത്. കാറിന്‍റെ ഡോർ പൊളിച്ചാണ് യാത്രക്കാരെ പുറത്തെടുത്തത്. അപകടത്തിൽപെട്ട വാഹനം പിന്നീട് ചിറയിൽ നിന്ന് പുറത്തെടുത്തു. നാട്ടുകാരും ഫയർഫോഴ്സും ചേർന്നാണ് രക്ഷാപ്രവർത്തനത്തിന് നേതൃത്വം കൊടുത്തത്.