സോഷ്യല് മീഡിയ ലോകത്തെ വൈറല് താരങ്ങളായ അഖില് എന്ആര്ഡി, അഖില് ഷാ, ശരത്ത്, സന്ദീപ് എന്നിവര് ഒന്നിക്കുന്ന ഹൊറര് കോമഡി ചിത്രം ‘മഹാരാജ ഹോസ്റ്റല്’ എന്ന സിനിമയുടെ റിലീസ് ഡേറ്റ് പുറത്ത്. ചിത്രം ജൂലൈയില് തിയേറ്ററുകളിലെത്തും. ചിരിപ്പിക്കാനും പേടിപ്പിക്കാനും കച്ചകെട്ടിയാണ് റീല്സുകളിലൂടെ വൈറലായ ഒരുപറ്റം കൂട്ടരുടെ വരവെന്നാണ് സിനിമ നല്കുന്ന സൂചന. ‘മാഗ്നെറ്റിക് കണ്ണാണേ കോര്നെറ്റ് പോല് സ്വീറ്റാണേ..’ എന്ന് തുടങ്ങുന്ന ഗാനം ചിത്രത്തിലേതായി അടുത്തിടെ പുറത്തിറങ്ങിയത് ഏവരും ഏറ്റെടുത്തിരുന്നു. ചിത്ര നായര്, സജിന് ചെറുകയില്, ആന് മരിയ എന്നിവരാണ് ചിത്രത്തിലെ മറ്റ് പ്രധാന താരങ്ങളായെത്തുന്നത്. നഗരത്തിലെ പ്രേതാലയം പോലെയുള്ള ഒരു ഹോസ്റ്റലിന്റെയും അവിടുത്തെ എംജിആര് എന്ന ഹോസ്റ്റല് വാര്ഡന്റേയും അവിടെ താമസിക്കാനെത്തുന്ന സുഹൃത്തുക്കളുടേയും സംഭവ ബഹുലമായ കഥയാണ് ചിത്രം പറയുന്നത്. രചന, സംവിധാനം: ചാരു വാക്കന്.