ലൈംഗിക പീഡനപരാതിയില് നടനും ഭരണകക്ഷി എം.എല്.എയുമായ മുകേഷിനെതിരേ പ്രത്യേക അന്വേഷണ സംഘം കുറ്റപത്രം സമര്പ്പിച്ചെങ്കിലും, മുകേഷ് എം.എല്.എ. സ്ഥാനത്ത് തുടരുമെന്ന നിലപാട് സ്വീകരിച്ച് സി.പി.എം. സംസ്ഥാന സെക്രട്ടറി എം.വി.ഗോവിന്ദന്. മുകേഷിനെതിരായ കേസില് കോടതി തീരുമാനം വരുന്നത് വരെ അദ്ദേഹം എം.എല്.എ. സ്.സ്ഥാനത്ത് തുടരുമെന്ന് എം.വി.ഗോവിന്ദന് പറഞ്ഞു. ആരെങ്കിലും പ്രഖ്യാപിച്ചത് കൊണ്ട് കാര്യമില്ല, കോടതിയല്ലേ ഇക്കാര്യം കൈകാര്യം ചെയ്യേണ്ടതെന്നും കോടതി ഒരു നിലപാട് സ്വീകരിക്കട്ടെ, അപ്പോള് ആലോചിക്കാം, അതാണ് പാര്ട്ടിയുടെ നിലപാട് എന്നാണ് എം വി ഗോവിന്ദൻ പറഞ്ഞത്. ആലുവ സ്വദേശിനിയായ നടിയുടെ പരാതിയിലാണ് നടനും എം.എല്.എയുമായ മുകേഷിനെതിരെ പ്രത്യേക അന്വേഷണ സംഘം എറണാകുളം ഫസ്റ്റ് ക്ലാസ് ജുഡീഷല് മജിസ്ട്രേറ്റ് കോടതിയില് കുറ്റപത്രം സമര്പ്പിച്ചത്.
