കോഴിക്കോട് തിരുവമ്പാടിയിൽ കെഎസ്ആര്ടിസി ബസ് നിയന്ത്രണം വിട്ട് പുഴയിലേക്ക് മറിഞ്ഞു. അപകടത്തില് രണ്ടു മരണം. മരിച്ച രണ്ടു സ്ത്രീകളുടെയും കൂടുതൽ വിവരങ്ങള് ലഭ്യമായിട്ടില്ല. പരിക്കേറ്റ മറ്റു നാലു പേരുടെ നില ഗുരുതരമായി തുടരുകയാണ്. ഇവരെ കോഴിക്കോട് മെഡിക്കല് കോളേജിലേക്ക് മാറ്റി. കെഎസ്ആര്ടിസി ബസിന്റെ ഡ്രൈവറും കണ്ടക്ടറും ഓമശ്ശേരി ശാന്തി ആശുപത്രിയിലാണ് ചികിത്സയിലുള്ളത് തിരുവമ്പാടി സ്വകാര്യ ആശുപത്രിയില് ഇരുപതോളം പേര് ചികിത്സയിലാണ്. ആരെങ്കിലും വെള്ളത്തില് മുങ്ങിയോയെന്ന് സംശയമുണ്ടെന്ന് ഫയര്ഫോഴ്സ് ഉദ്യോഗസ്ഥര് അറിയിച്ചു. പുഴയില് തെരച്ചില് തുടരുകയാണ്. അപകടത്തിൽ നിരവധി പേര്ക്ക് പരിക്കേറ്റിട്ടുണ്ട്. അപകടത്തെക്കുറിച്ച് അടിയന്തരമായി അന്വേഷിച്ച് റിപ്പോര്ട്ട് സമര്പ്പിക്കാൻ ഗതാഗത മന്ത്രി കെബി ഗണേഷ് കുമാര് നിര്ദേശം നല്കി. ബസ് പാലത്തിൽ നിന്ന് പുഴയിലേക്ക് മറിയാനുണ്ടായ കാരണം ഉള്പ്പെടെ അന്വേഷിച്ച് വിശദമായ റിപ്പോര്ട്ട് നല്കാനാണ് നിര്ദേശം.