ജാന്‍വി കപൂറും സിദ്ധാര്‍ത്ഥ് മല്‍ഹോത്രയും പ്രധാന വേഷങ്ങളിലെത്തുന്ന ‘പരം സുന്ദരി’ യുടെ ട്രെയ്ലര്‍ പുറത്ത്. തുഷാര്‍ ജലോട്ട സംവിധാനം ചെയ്യുന്ന സിനിമയുടെ നിര്‍മാണം മഡോക്ക് ഫിലിംസാണ്. ഓഗസ്റ്റ് 29 നാണ് സിനിമ തിയേറ്ററുകളിലേക്ക് എത്തുന്നത് ചിത്രത്തില്‍. ജാന്‍വി അവതരിപ്പിക്കുന്ന നായിക സുന്ദരി കേരള സ്വദേശിയാണ്. സിദ്ധാര്‍ത്ഥിന്റെ പരം ഡല്‍ഹിക്കാരനും. കേരളത്തിലാണ് സിനിമയുടെ കഥ നടക്കുന്നത്. അതേസമയം ട്രെയ്ലറിലെ മോഹന്‍ലാല്‍ റഫറന്‍സും ശ്രദ്ധ നേടുകയാണ്. ദക്ഷിണേന്ത്യന്‍ സംസ്ഥാനങ്ങളെക്കുറിച്ചുള്ള ഉത്തരേന്ത്യന്‍ പൊതുബോധത്തെ വിമര്‍ശിക്കാന്‍ ജാന്‍വി പറയുന്ന ഡയലോഗിലാണ് മോഹന്‍ലാല്‍ റഫറന്‍സ് കടന്നു വരുന്നത്. ‘കേരളത്തില്‍ മോഹന്‍ലാല്‍, തമിഴിന് രജനികാന്ത്, തെലുങ്കിന് അല്ലു അര്‍ജുന്‍, കന്നഡയ്ക്ക് യാഷ്’ എന്നാണ് ജാന്‍വി പറയുന്നത്. ആര്‍ഷ് വോറയും ഗ്വാര്‍വ മിശ്രയും ചേര്‍ന്നാണ് തിരക്കഥയെഴുതിയിരിക്കുന്നത്.
Shaji Padmanabhan
Thirty years of experience in publication field. Started carrier from Gulf Voice monthly malayalam magazine in 1994. Worked in Mangalam (2000), Kerala Kaumudi (2004). Started a publication in 2008, named... More by Shaji Padmanabhan