കരുവന്നൂർ കള്ളപ്പണക്കേസിൽ പി.കെ. ബിജു‌‌‌‌വിനെ എൻഫോഴ്സ്മെന്റ് ഡയറക്ടറേറ്റ് ആറരമണിക്കൂർ ചോദ്യം ചെയ്തു

കരുവന്നൂർ കള്ളപ്പണക്കേസിൽ പി.കെ. ബിജു‌‌‌‌വിനെ എൻഫോഴ്സ്മെന്റ് ഡയറക്ടറേറ്റ് ആറരമണിക്കൂർ ചോദ്യം ചെയ്തു. ഇഡി ആവശ്യപ്പെട്ട എല്ലാ രേഖകളും ഹാജരാക്കി എന്ന് പി കെ ബിജു പറഞ്ഞു.കേസിലെ മറ്റു പ്രതികളുമായി നടത്തിയ സാമ്പത്തിക ഇടപാടുകൾ, പാർട്ടി അന്വേഷണത്തിലെ കണ്ടെത്തലുകൾ എന്നിവയിൽ ഇഡി വ്യക്തത വരുത്തും. മുഖ്യപ്രതി സതീഷ് കുമാർ ബിജുവിന് അഞ്ച് ലക്ഷം രൂപ നൽകിയെന്ന്പി  ആർ അരവിന്ദാക്ഷൻ മൊഴി നൽകിയിരുന്നു. ആർസി ബുക്ക് പണയം വെച്ചാണ് പണം വാങ്ങിയതെന്നും ഈ പണം തിരിച്ച് നൽകിയിട്ടില്ലെന്നും ബിജു മൊഴി നൽകി.