രാജ്യത്തെ മുന്‍നിര പേയ്മെന്റ്, വാണിജ്യ സേവന ദാതാവായ ഹിറ്റാച്ചി പേയ്മെന്റ് സര്‍വീസസിന്റെ വൈറ്റ് ലേബല്‍ എ.ടി.എമ്മുകളുടെ എണ്ണം 10,000 പിന്നിട്ടു. ഇവയില്‍ 27 ശതമാനം ദക്ഷിണേന്ത്യയിലാണ്. ഹിറ്റാച്ചി മണി സ്പോട്ട് എ.ടി.എം എന്ന ബ്രാന്‍ഡിലുള്ള എ.ടി.എമ്മുകള്‍ പ്രധാനമായും ചെറുപട്ടണങ്ങളിലും ഗ്രാമീണ മേഖലകളിലുമാണ്. 2013ലാണ് ഡബ്ല്യു.എല്‍.എ ലൈസന്‍സുമായി ഹിറ്റാച്ചി വൈറ്റ് ലേബല്‍ എ.ടി.എമ്മുകളുടെ രംഗത്ത് എത്തിയത്. നിലവില്‍ ക്യാഷ് ഡെപ്പോസിറ്റ് സൗകര്യം നല്‍കുന്ന ഏക ഡബ്ല്യു.എല്‍.എ ഓപറേറ്റര്‍ ഹിറ്റാച്ചിയാണ്. കാര്‍ഡുകള്‍ ഇല്ലാതെ പണം പിന്‍വലിക്കാനായി ആന്‍ഡ്രോയ്ഡ് സംവിധാനത്തില്‍ യു.പി.ഐ എ.ടി.എമ്മും കമ്പനി അവതരിപ്പിച്ചിട്ടുണ്ട്.