തിരഞ്ഞെടുപ്പ് പ്രചാരണത്തിനിടെ അമേരിക്കൻ മുൻ പ്രസിഡന്‍റ് ഡൊണാൾഡ് ട്രംപിന് നേരേ വെടിയുതിർത്തയാളെ തിരിച്ചറിഞ്ഞു. പെൻസിൽവേനിയ സ്വദേശിയും ഇരുപതുകാരനുമായ തോമസ് മാത്യു ക്രൂക്ക് ആണ് വെടിവെപ്പിന് പിന്നിലെന്ന് എഫ്.ബി.ഐ. തിരിച്ചറിഞ്ഞതായാണ് സൂചന. പെൻസിൽവേനിയയിലെ ബെതൽ പാർക്കിൽ നിന്നുള്ളയാളാണ് തോമസ് മാത്യു ക്രൂക്ക്. വെടിവെപ്പിന് പിന്നാലെ ഇയാൾ കൊല്ലപ്പെട്ടിരുന്നു. സംഭവത്തിൽ വിശദമായ അന്വേഷണം നടന്നുവരികയാണെന്ന് എഫ്.ബി.ഐ. വ്യക്തമാക്കി.