ശബരിമല സന്നിധാനത്തെ ദേവസ്വം ഭണ്ഡാരം കാണാൻ ഐജി കയറിയ സംഭവത്തില് താക്കീതുമായി ഹൈക്കോടതി ദേവസ്വം ബെഞ്ച്. അങ്ങോട്ടേക്ക് മറ്റാർക്കും പ്രവേശനമില്ലെന്ന് പറഞ്ഞ കോടതി, ഇനി ആവർത്തിക്കരുത് എന്നാണ് നിർദേശിച്ചിരിക്കുന്നത്. ഡിസംബര് 11 ന് രാവിലെ ഒമ്പതോടെയാണ് ശബരിമല പൊലീസ് ജോയിന്റ് കോര്ഡിനേറ്ററും ഐജിയുമായ ശ്യാം സുന്ദറിന്റെ നേതൃത്വത്തിലുള്ള പൊലീസ് ഉദ്യോഗസ്ഥര് യൂണിഫോമിലും സിവില് ഡ്രസിലുമായി ഭണ്ഡാരം മുറിയില് മുന്കൂര് അറിയിപ്പ് നല്കാതെ പ്രവേശിച്ചെന്നാണ് ഭണ്ഡാരം സ്പെഷ്യല് ഓഫീസര് റിപ്പോര്ട്ട് ചെയ്തത്. വിഷയം ഗൗരവമുള്ളതാണെന്നും ഇത്തരം നടപടികൾ ഒഴിവാക്കണമെന്നും സ്പെഷ്യല് കമ്മീഷണര് ആര് ജയകൃഷ്ണന് കോടതിയില് നല്കിയ റിപ്പോര്ട്ടില് പറയുന്നത്.
