മൈക്രോസോഫ്റ്റ് വിന്ഡോസ് ഓപ്പറേറ്റിംഗ് സിസ്റ്റത്തെ ബാധിച്ച ഗുരുതര പ്രശ്നത്തില് വിശദീകരണവുമായി ക്രൗഡ്സ്ട്രൈക്ക്. വിൻഡോസിന് സുരക്ഷ സേവനങ്ങൾ നൽകുന്ന സൈബർ സെക്യൂരിറ്റി സ്ഥാപനമാണ് ക്രൗഡ്സ്ട്രൈക്ക്. വിന്ഡോസ് ഓപ്പറേറ്റിംഗ് സിസ്റ്റത്തെ ബാധിച്ച പ്രശ്നം കണ്ടെത്തിയെന്നും പരിഹരിക്കാനുള്ള ശ്രമം തുടരുകയാണ് എന്നുമാണ് ക്രൗഡ്സ്ട്രൈക്കിന്റെ പ്രതികരണം. വിന്ഡോസ് ഒഎസിലുള്ള കമ്പ്യൂട്ടറുകൾ തനിയെ റീസ്റ്റാർട്ട് ആവുകയും, സാങ്കേതിക പ്രശ്നമുണ്ടെന്ന് ചൂണ്ടിക്കാണിക്കുന്ന ബ്ലൂ സ്ക്രീൻ ഓഫ് ഡെത്ത് സ്ക്രീനില് പ്രദര്ശിപ്പിക്കുകയും ചെയ്യുന്നതായിരുന്നു പ്രശ്നം. ഇതോടെ ലോകവ്യാപകമായി വ്യോമയാനത്തിന് പുറമെ ട്രെയിന്, ബാങ്കിംഗ്, ഐടി, മാധ്യമസ്ഥാപനങ്ങള്, സര്ക്കാര് സ്ഥാപനങ്ങളും സംവിധാനങ്ങളും, മറ്റ് കമ്പനികള് എന്നിവയുടെയെല്ലാം പ്രവര്ത്തനം തടസം നേരിട്ടു
