കര്ണാടക പൊലീസ് അറസ്റ്റ് ചെയ്ത കൊടുങ്ങല്ലൂര് സ്റ്റേഷനിലെ ഗ്രേഡ് എ എസ് ഐ ഷെഫീര് ബാബു മുമ്പും തട്ടിപ്പ് നടത്തിയതായി പരാതി. ചാഴൂരില് അടിപിടി കേസില് പെട്ടയാളുടെ വീട്ടില് റെയ്ഡ് നടത്തി 18 ഗ്രാം നവരത്ന മോതിരം കവര്ച്ച ചെയ്തതായാണ് ഇയാള്ക്കെതിരെ കേസുള്ളത്. ജുഡീഷ്യല് സെക്കന്റ് ക്ലാസ് മജിസ്ട്രേറ്റ് കോടതിയുടെ പരിഗണനയിലാണ് കേസ്. കഴിഞ്ഞ 10 ന് കോടതി പരിഗണിച്ച കേസ് മാര്ച്ച് 26 ലേയ്ക്ക് വച്ചിട്ടുണ്ട്. കര്ണാടക സ്പീക്കറുടെ ബന്ധുവീട്ടില് ഇ.ഡി.ചമഞ്ഞാണ് റെയ്ഡ് നടത്തിയതെങ്കില് ചാഴൂരിലെ വീട്ടില് പൊലീസ് സംഘമായി എത്തിയാണ് റെയ്ഡ് നടത്തിയത്. കര്ണാടക റെയ്ഡില് മൂന്ന് കോടി തട്ടിയെടുത്തതായാണ് കേസ്.
