ഗവേഷണ കപ്പൽ  ശ്രീലങ്കൻ തുറമുഖത്ത് ​നങ്കൂരമിടാൻ അനുമതി തേടി ചൈന ശ്രീലങ്കയെ സമീപിച്ചതായി റിപ്പോർട്ട്

ഗവേഷണ കപ്പൽ  ശ്രീലങ്കൻ തുറമുഖത്ത് ​നങ്കൂരമിടാൻ അനുമതി തേടി ചൈന ശ്രീലങ്കയെ സമീപിച്ചതായി റിപ്പോർട്ട്.  കഴിഞ്ഞ വർഷം ബഹിരാകാശ പേടകം ട്രാക്ക് ചെയ്യാൻ സാധിക്കുന്ന കപ്പൽ ശ്രീലങ്കൻ തീരത്ത് നങ്കൂരമിട്ടിരുന്നു. ​ ഇന്ത്യയുടെ ആശങ്ക നിലനിൽക്കുന്നതിനിടെയാണ് ചൈനയുടെ ഈ ആവശ്യം. ഗവേഷണ കപ്പലാണെന്നാണ് ചൈന പറയുന്നത്. ചാരക്കപ്പലാണെന്ന് ഇന്ത്യയടക്കമുള്ള രാജ്യങ്ങൾ ആരോപിക്കുന്നു. ഷി യാൻ 6 ഡോക്ക് ചെയ്യാൻ ചൈന അനുമതി തേടിയിട്ടുണ്ട്. തീയതി നിശ്ചയിച്ചിട്ടില്ല എന്ന്ശ്രീലങ്കൻ വിദേശകാര്യ വക്താവ് പറഞ്ഞു. ഇന്ത്യൻ മഹാസമുദ്രത്തിൽ ചൈനയുടെ വർധിച്ചുവരുന്ന സാന്നിധ്യവും ശ്രീലങ്കയിലെ ചൈനീസ് സ്വാധീനവും സംശയത്തോടെയാണ് ഇന്ത്യ അടക്കമുള്ള ലോക രാഷ്ട്രങ്ങൾ വീക്ഷിക്കുന്നത്.