പിവി അൻവർ എല്ലാവർക്കും ഒരു പാഠമാണെന്ന് ബിനോയ് വിശ്വം

എം എൽ  എ പിവി അൻവർ എല്ലാവർക്കും ഒരു പാഠമാണെന്ന് സി.പി.ഐ. സംസ്ഥാന സെക്രട്ടറി ബിനോയ് വിശ്വം. അത്തരം ആളുകൾ വരുമ്പോൾ തന്നെ അവരെ രണ്ടുകൈയ്യും നീട്ടി സ്വീകരിച്ച്, തലയിൽ എടുത്തുവെച്ച്, അർഹത പരി​ഗണിക്കാതെ അവർക്ക് പ്രൊമോഷൻ കൊടുത്ത്, സ്ഥാനമാനങ്ങളുടെ തൊപ്പിവെച്ച്, അവരെ കൊട്ടിഘോഷിച്ച് വലിയവനാക്കി മാറ്റും . എന്നാൽ ഇതൊക്കെ ചെയ്യുമ്പോഴും മൗലികമായി അവർ എന്താണോ അതാണ് അവർ. അത് ലവലേശം മാറിയിട്ടില്ല. അപ്പോൾ അത്തരം ആളുകൾ വരുമ്പോൾ ഒരു കമ്യൂണിസ്റ്റ് പാർട്ടി പാലിക്കേണ്ട ജാ​ഗ്രതയെ പറ്റിയുള്ള പാഠമാണ്. ആ പാഠം സിപിഎമ്മിന് മാത്രമല്ല, തങ്ങൾക്കും ബാ​ധകമാണെന്ന് ബിനോയ് വിശ്വം കൂട്ടിച്ചേർത്തു.