കുടുംബപ്രേക്ഷകര്ക്ക് തിയേറ്ററില് ആഘോഷമാക്കാന് വീണ്ടും ഒരു ബിജു മേനോന് ചിത്രം. ‘അവറാച്ചന് ആന്റ് സണ്സ്’ ടീസര് പുറത്തുവിട്ട് ലിസ്റ്റിന് സ്റ്റീഫന്റെ മാജിക് ഫ്രെയിംസ്. നവാഗതനായ തമ്പി ആണ് ചിത്രത്തിന്റെ സംവിധാനം നിര്വഹിക്കുന്നത്. അവറാച്ചനും മക്കളും അവരുടെ കുടുംബ ബന്ധങ്ങളും സാമൂഹിക ബന്ധങ്ങളും ഇഴചേരുന്ന നര്മ്മത്തില് ചാലിച്ച രസകരമായ ഫാമിലി ഡ്രാമയുടെ തിരക്കഥ ഒരുക്കിയിരിക്കുന്നത് ജോസഫ് വിജീഷും തമ്പിയും ചേര്ന്നാണ്. പോസ്റ്റ് പ്രൊഡക്ഷന് ജോലികള് പൂര്ത്തിയായ ചിത്രം ഉടന് തിയേറ്ററുകളിലേക്കെത്തും. ബിജുമേനോന് നായകനാകുന്ന ചിത്രത്തില് ശ്രീനാഥ് ഭാസി, ഗണപതി, വിനയ് ഫോര്ട്ട്, ജോണി ആന്റണി, ഗ്രെയ്സ് ആന്റണി, അഖില ഭാര്ഗവന്, പൗളി വത്സണ്, സാബുമോന്, കോട്ടയം നസീര്, വിനീത് തട്ടില്, സാജന് പള്ളുരുത്തി, ആഷിഖ് ഖാലിദ്, സുധി കോപ്പ, സജിന് ചെറുകയില്, ഷാജു ശ്രീധര്, നിഷാ സാരംഗ് എന്നിവരാണ് ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.