വില്‍പ്പനയില്‍ അതിശയകരമായ പ്രകടനവുമായി ബെംഗളൂരു ആസ്ഥാനമായുള്ള ഇലക്ട്രിക് ഇരുചക്ര വാഹന നിര്‍മ്മാതാക്കളായ ഏഥര്‍ എനര്‍ജി. 2022 മാര്‍ച്ചില്‍ വിറ്റ 2,591 യൂണിറ്റുകളില്‍ നിന്ന് 11,754 യൂണിറ്റുകള്‍ വിറ്റഴിച്ച് 2023 മാര്‍ച്ചില്‍ 353 ശതമാനം വളര്‍ച്ചയാണ് ഏഥര്‍ എനര്‍ജി രേഖപ്പെടുത്തിയത്. 2022-2023 സാമ്പത്തിക വര്‍ഷത്തില്‍ കമ്പനി 82,146 വില്‍പ്പന രേഖപ്പെടുത്തി. ഈ വര്‍ഷം ഫെബ്രുവരിയിലെ 10,013 യൂണിറ്റുകളെ അപേക്ഷിച്ച് വില്‍പ്പനയില്‍ 17.39 ശതമാനം വര്‍ധനവോടെ പ്രതിമാസ വില്‍പ്പനയിലും കമ്പനി മുന്നിട്ടു നില്‍ക്കുന്നു. അതേസമയം ഓല ഇലക്ട്രിക്, ടിവിഎസ് എന്നിവയുള്‍പ്പെടെയുള്ള മറ്റ് പ്രമുഖ കമ്പനികളുമായി താരതമ്യപ്പെടുത്തുമ്പോള്‍ വില്‍പ്പന പ്രകടനത്തില്‍ ഏഥര്‍ പിന്നിലാണ്. മാര്‍ച്ചില്‍ കമ്പനി പുറത്തുവിട്ട കണക്കുകള്‍ പ്രകാരം 2023 സാമ്പത്തിക വര്‍ഷത്തില്‍ ഒല 27,000 യൂണിറ്റുകളും രണ്ട് ലക്ഷത്തിലധികം യൂണിറ്റുകളും വിറ്റു. മറുവശത്ത്, ടിവിഎസ് ഐക്യൂബിന്റെ വില്‍പ്പന കഴിഞ്ഞ മാസം 15,364 യൂണിറ്റായിരുന്നു. 2023 സാമ്പത്തിക വര്‍ഷത്തിന്റെ ആദ്യ ആറ് മാസങ്ങള്‍ കുറഞ്ഞെങ്കിലും വില്‍പ്പനയില്‍ മികച്ച വളര്‍ച്ചയുണ്ടായി.