സ്വന്തം മണ്ണിനുവേണ്ടി കാര്‍ക്കശ്യത്തോടെ പോരാടുന്ന മല്ലിക. നഷ്ടപ്രതാപങ്ങളുടെ രാജകുമാരനായ ഹിരാങ്ക്, ആരെയും കൂസാതെ ജീവിതമാഘോഷിക്കുന്ന കുന്‍ലെ, ഉള്‍ഭയങ്ങളില്‍ പിടയുന്ന വേദാന്ത്, ഒലാവി. ആപ്പളോണിയ, സാരംഗ്, മെര്‍ലിന്‍: തങ്ങളുടെ മാത്രം ജീവിതവ്യാകരണങ്ങളില്‍ മുഴുകി ഇനിയും നഗരനൈരന്തര്യങ്ങളോട് സമരസപ്പെടാത്തവര്‍… അങ്ങനെ ഉപരിപഠനത്തിനായി വിവിധ ദേശങ്ങളില്‍നിന്നും ലണ്ടന്‍ നഗരത്തിലെത്തുന്ന ഭാഷയില്‍, വിശ്വാസങ്ങളില്‍ സംസ്‌കാരങ്ങളിലൊക്കെയും വിഭിന്നരായ ഇവരെ ഒരുമിപ്പിക്കുന്നത് അതിജീവനത്തോടുള്ള അഭിനിവേശം മാത്രമാണ്. ക്യാമ്പസ്‌കാലത്തെ ആ ശ്രമങ്ങളില്‍ ചിലവ സൗഹൃദങ്ങളുടെയും പ്രണയത്തിന്റെയുമൊക്കെ അലിഖിതമായ ഭാഷ്യമാവുന്നതാണ് ‘അഗാപ്പെ’. ‘അഗാപ്പെ’. ആന്‍ പാലി. ഡിസി ബുക്‌സ്. വില 361 രൂപ.