തലസ്ഥാനനഗരിയിൽ സ്ത്രീകൾക്ക് സുരക്ഷിതത്വം ഇല്ലാതാവുകയാണോ? തിരുവനന്തപുരം മ്യൂസിയത്തിന് സമീപം സ്ത്രീയെ കടന്നുപിടിച്ച സംഭവത്തിന് പിന്നാലെ വീണ്ടും തലസ്ഥാനനഗരിയിൽ പെൺകുട്ടികൾക്ക് നേരെ അതിക്രമം.
സിവിൽ സ‍ർവീസ് കോച്ചിംഗ് ക്ലാസ് കഴിഞ്ഞ് ഹോസ്റ്റലിലേക്ക് പോകുകയായിരുന്ന കുട്ടികളെ ബൈക്കിലെത്തിയ യുവാവ് കടന്ന് പിടിച്ചു. തിരുവനന്തപുരം കവടിയാറിന് സമീപം പണ്ഡിറ്റ് കോളനിയിലെ യുവധാരാ ലൈനിലാണ് സംഭവമുണ്ടായത്. ബൈക്കിലെത്തിയ ആൾ ബൈക്ക് സമീപത്ത് ഒതുക്കിയ ശേഷമാണ് കുട്ടികളെ കയ്യേറ്റം ചെയ്യതത്.
അതിക്രമത്തിന്റെ സിസിടിവി ദൃശ്യങ്ങളും പുറത്ത് വന്നു. നാല് ദിവസം മുമ്പാണ് സംഭവമുണ്ടായത്. അന്ന് തന്നെ മ്യൂസിയം സ്റ്റേഷനിൽ പരാതി നൽകിയിരുന്നുവെന്നും അന്വേഷണം നടക്കുകയായിരുന്നുവെന്നുവെന്നാണ് പോലീസ് അറിയിച്ചതെന്നും പരാതി നൽകിയ പെൺകുട്ടി പറഞ്ഞു. സിസിടിവി ദൃശ്യങ്ങളിൽ പ്രതിയുടെ ദൃശ്യങ്ങളുണ്ട്. എന്നാൽ പ്രതിയെ പിടി കിട്ടിയിട്ടില്ലെന്നാണ് പോലീസ് പറയുന്നത്.