സിനിമ, കായിക താരങ്ങളടക്കമുള്ള ക്ഷണിക്കപ്പെട്ട അതിഥികള് അയോധ്യയിലെ രാമക്ഷേത്രത്തിലെത്തി. അതിശൈത്യമായതിനാൽ മുതിര്ന്ന ബിജെപി നേതാവ് എല്കെ അദ്വാനി അയോധ്യയിലെത്തിയില്ല. പ്രതിഷ്ഠാ ചടങ്ങിനോടനുബന്ധിച്ച് അയോധ്യയില് വന് സുരക്ഷയാണ് ഒരുക്കിയിട്ടുള്ളത്. അമിതാഭ് ബച്ചൻ, അഭിഷേക് ബച്ചൻ, സൈന നെഹ്വാൾ, മിതാലി രാജ്, രജനീകാന്ത്, ചിരഞ്ജീവി, രാം ചരണ്, അനിൽ കുംബ്ലെ, സച്ചിന് തെന്ഡുല്ക്കര്, സോനു നിഗം, രജനി കാന്ത്, റണ്ബീര് കപൂര്, അലിയ ഭട്ട് തുടങ്ങിയ നിരവധി താരങ്ങൾ ക്ഷേത്രത്തിലെത്തി ചേർന്നിട്ടുണ്ട്. മുന് പ്രധാനമന്ത്രിയും ജെഡിഎസ് അധ്യക്ഷനുമായ എച്ച്ഡി ദേവഗൗഡ അടക്കമുള്ള നേതാക്കളും ക്ഷേത്രത്തിലെത്തി.
