തൃണമൂൽ കോൺഗ്രസ് എംപി മഹുവ മൊയിത്രയ്ക്കെതിരെ ദില്ലി പൊലീസ് കേസെടുത്തു.ദേശീയ വനിതാ കമ്മീഷൻ അധ്യക്ഷ രേഖ ശർമ്മക്കെതിരെ മോശമായ ഭാഷ ഉപയോഗിച്ചതിനാണ് കേസെടുത്തത്.വനിത കമ്മീഷൻ കഴിഞ്ഞ ദിവസം മഹുവയ്ക്കെതിരെ സ്വമേധയാ കേസെടുത്തിരുന്നു. വനിതാ കമ്മീഷൻ്റെ പരാതിയുടെ അടിസ്ഥാനത്തിലാണ് ദില്ലി പോലീസ് കേസെടുത്തത്. ഭാരതീയ ന്യായ് സംഹിതയിലെ 79ാം വകുപ്പാണ് മഹുവയ്ക്കെതിരെ ചുമത്തിയിരിക്കുന്ന കുറ്റം.ഹാഥ്റസിൽ ദുരന്തത്തിൽപ്പെട്ട സ്തീകളെ കാണാനെത്തിയ രേഖാ ശർമ്മയ്ക്ക് ഒപ്പമുണ്ടായിരുന്ന സ്തീകളിലൊരാൾ കുടപിടിച്ച് കൊടുക്കുന്ന ചിത്രം സമൂഹ മാധ്യമങ്ങളിൽ പ്രചരിച്ചിരുന്നു. ഇതിന് അവർ തൻറെ മുതലാളിക്ക് പൈജാമ പിടിച്ചു കൊടുക്കുന്ന തിരക്കിലാണ് എന്ന മഹുവയുടെ മറുപടിയാണ് നടപടികളിലേക്ക് എത്തിയത്.