ടൊയോട്ട കിര്‍ലോസ്‌കര്‍ മോട്ടോര്‍ രാജ്യത്ത് പുതുക്കിയ ഇന്നോവ ക്രിസ്റ്റ ഡീസല്‍ വേരിയന്റുകളുടെ വില പ്രഖ്യാപിച്ചു. നിലവില്‍, എംപിവി മോഡല്‍ ലൈനപ്പ് നാല് വേരിയന്റുകളില്‍ വാഗ്ദാനം ചെയ്യുന്നു. ജി, ജിഎക്‌സ് എന്നിങ്ങനെ രണ്ട് ട്രിമ്മുകളില്‍ ലഭ്യമാക്കുന്നു. പുതിയ 2023 ടൊയോട്ട ഇന്നോവ ക്രിസ്റ്റ ഡീസല്‍ ജി 7, 8 സീറ്ററുകള്‍ എന്നിവയ്ക്ക് യഥാക്രമം 19.13 ലക്ഷം രൂപയും 19.18 ലക്ഷം രൂപയുമാണ് വില. ജിഎക്‌സ് 7 സീറ്റര്‍ പതിപ്പിന് 19.99 ലക്ഷം രൂപയും 8 സീറ്റര്‍ മോഡലിന് 20.04 ലക്ഷം രൂപയുമാണ് വില. മേല്‍പ്പറഞ്ഞ എല്ലാ വിലകളും എക്‌സ്-ഷോറൂം വിലകള്‍ ആണ്. പുതിയ ഇന്നോവ ക്രിസ്റ്റ ഡീസല്‍ സില്‍വര്‍, സൂപ്പര്‍വൈറ്റ്, ആറ്റിറ്റിയൂഡ് ബ്ലാക്ക്, വൈറ്റ് പേള്‍ ക്രിസ്റ്റല്‍ ഷൈന്‍, അവന്റ്-ഗാര്‍ഡ് ബ്രോണ്‍സ് എന്നിങ്ങനെ അഞ്ച് നിറങ്ങളില്‍ ലഭിക്കും.
