ഓസ്ട്രിയന്‍ സൂപ്പര്‍ ബൈക്ക് നിര്‍മ്മാതാക്കളായ കെടിഎമ്മിന്റെ 2023 കെടിഎം ആര്‍സി 8സി എന്ന ലിമിറ്റഡ് എഡിഷന്‍ ബൈക്ക് ബുക്കിംഗ് ആരംഭിച്ച് വെറും രണ്ട് മിനിറ്റും 38 സെക്കന്‍ഡും കൊണ്ട് വിറ്റുതീര്‍ന്നു. ട്രാക്ക് മാത്രമുള്ള ഈ മോട്ടോര്‍സൈക്കിള്‍ പരിമിതമായ 200 യൂണിറ്റുകളില്‍ ആണ് നിര്‍മ്മിച്ചത്. മൊത്തം വാങ്ങുന്നവരില്‍ 30 പേര്‍ക്ക് അടുത്ത വസന്തകാലത്ത് സ്പെയിനിലെ വലെന്‍സിയയില്‍ നടക്കുന്ന എക്സ്‌ക്ലൂസീവ് കൈമാറ്റ പരിപാടിയില്‍ തങ്ങളുടെ മോട്ടോര്‍സൈക്കിളുകള്‍ ഡെലിവറി ചെയ്യാനും കമ്പനി തീരുമാനിച്ചു. അതേസമയം, കെടിഎം ഒരു ഓണ്‍ലൈന്‍ വെയിറ്റിംഗ് ലിസ്റ്റ് സൃഷ്ടിച്ചു, അത് റദ്ദാക്കപ്പെട്ടാല്‍ താല്‍പ്പര്യമുള്ള വാങ്ങുന്നവര്‍ക്ക് മറ്റൊരു അവസരം നല്‍കുന്നു. 2023 മോഡലിന് മുമ്പത്തെ പതിപ്പിനേക്കാള്‍ നിരവധി അപ്ഡേറ്റുകള്‍ ലഭിക്കുന്നു. എഞ്ചിനും ട്വീക്ക് ചെയ്തിട്ടുണ്ട്, 2023 മോഡലിലെ യൂണിറ്റ് കൂടുതല്‍ ശക്തി നല്‍കുന്നു. ഈ മോട്ടോര്‍ 11,000 ആര്‍പിഎമ്മില്‍ 133 ബിഎച്ച്പി പവറും 8,250 ആര്‍പിഎമ്മില്‍ 98 എന്‍എം പീക്ക് ടോര്‍ക്കും ഉല്‍പ്പാദിപ്പിക്കും.