ഐഫോണ്‍ ഘടകങ്ങള്‍ നിര്‍മ്മിക്കുന്ന ഫാക്ടറിക്കായി വന്‍തോതില്‍ റിക്രൂട്ട്‌മെന്റിനൊരുങ്ങി ടാറ്റ ഗ്രൂപ്പ്. ഹൊസൂരില്‍ തുടങ്ങുന്ന ഫാക്ടറിക്കായാണ് റിക്രൂട്ട്‌മെന്റ്. 24 മാസത്തിനുള്ളില്‍ 45,000 ജീവനക്കാരെ നിയമിക്കാനാണ് ടാറ്റ ഒരുങ്ങുന്നത്. ഐഫോണ്‍ ഘടകങ്ങള്‍ നിര്‍മ്മിക്കുന്നതിനുള്ള ഫാക്ടറിയില്‍ നിലവില്‍ 10,000 ജീവനക്കാരാണ് ജോലി ചെയ്യുന്നത്. ചൈനക്ക് പുറമേ മറ്റ് വിപണികളിലും ഫോണ്‍ നിര്‍മ്മാണം വ്യാപിപ്പിക്കുന്നതിന്റെ ഭാഗമായാണ് ടാറ്റ ഗ്രൂപ്പുമായി ആപ്പിള്‍ കരാറില്‍ ഏര്‍പ്പെട്ടത്. 500 ഏക്കറില്‍ വ്യാപിച്ച് കിടക്കുന്നതാണ് ഹൊസൂരിലെ ആപ്പിള്‍ നിര്‍മ്മാണശാല. ഏകദേശം 5,000ത്തോളം പേരെ ഇവിടെ ജോലിക്കെടുത്തിരുന്നു.