ഈ നോവലിലെ ഭീകരമായ സംഭവവികാസങ്ങള്‍ ഇന്നാട്ടിലുണ്ടായതാണ് എന്നത് നമ്മെ അമ്പരപ്പിക്കും. കേരളചരിത്രത്തിലെ ഇരുളടഞ്ഞ കാലത്തെ സാമൂഹിക രാഷ്ട്രീയ ജീവിതം കുമാരനല്ലൂര്‍ ദേശത്തെ കേന്ദ്രമാക്കി അവതരിപ്പിക്കുകയാണിവിടെ ബെസ്റ്റ്‌സെല്ലറായി മാറിയ കൃഷ്ണപ്പരുന്തിനും പള്ളിവേട്ടയ്ക്കും ശേഷം എഴുതപ്പെട്ട ഈ സാമൂഹിക നോവലിലൂടെ ചരിത്രവും സര്‍ഗാത്മകതയും തമ്മിലുള്ള ഇടവരമ്പ് വളരെ നേര്‍ത്തതാണെന്ന് പി.വി. തമ്പി ബോധ്യപ്പെടുത്തി. കാലത്തിരിച്ചിലില്‍ നാം വലിച്ചെറിഞ്ഞ ദുരാചാരങ്ങള്‍ ഒരുകാലത്ത് എത്രയോ മനുഷ്യരെ നരകക്കയത്തിലേക്കു വലിച്ചിട്ടതിന്റെ യഥാര്‍ഥ ചിത്രങ്ങള്‍ ഇതില്‍ വായിക്കാം. സവര്‍ണ വാഴ്ചകളുടെ പച്ചയായ ജീവിതം വരച്ചുകാട്ടുകയല്ല അനുഭവിപ്പിക്കുകയാണ് ഈ നോവല്‍. ‘സൂര്യകാലടി’. പി വി തമ്പി. മനോരമ ബുക്‌സ്. വില 731 രൂപ.