പ്രതിപക്ഷ നേതാവ് വിഡി വിഡി സതീശനാണ് സംഘടന സംവിധാനം ദുര്ബലപ്പെടുത്തിയതെന്ന് പി സരിൻ. പാര്ട്ടിയെ വിഡി സതീശൻ ഹൈജാക്ക് ചെയ്തുവെന്നും, സരിൻ എന്ന വ്യക്തിയുടെ സ്ഥാനാർഥിത്വത്തിൽ ഈ വിഷയം ഒതുക്കരുതെന്നും പാർട്ടിയിലെ ജീർണത ചർച്ച ചെയ്യപ്പെടണമെന്നും പി സരിൻ പറഞ്ഞു. സാധാരണക്കാരായ പ്രവര്ത്തകരെ പറഞ്ഞ് പറ്റിക്കുന്നതാണ് കോണ്ഗ്രസിന്റെ രീതിയെന്നും കാര്യങ്ങള് പറയാനും പരിഹരിക്കാനും അവിടെ ഒരു സംവിധാനമില്ല. ഉടമ അടിമ ബന്ധത്തിലേക്കും കീഴള സംസ്കാരത്തിലേക്കും പാർട്ടിയെ കൊണ്ടു വന്നത് സതീശനാണ്. താനാണ് പാർട്ടി എന്ന രീതിയിലേക്ക് കൊണ്ടു വന്നു ഉത്പാർട്ടി ജനാധിപത്യത്തെ തകർത്തു. ഇങ്ങനെ പോയാൽ 2026ൽ പച്ച തൊടില്ലെന്നും സരിൻ പറഞ്ഞു. 2021 നിയമ സഭാ തെരഞ്ഞെടുപ്പിനു ശേഷം സതീശൻ എങ്ങനെ പ്രതിപക്ഷ നേതാവായത് എന്നത് പരിശോധിക്കണമെന്നും. അതിൽ ആസ്വഭാവികത ഉണ്ടായിരുന്നു.ഇതെല്ലാം ഉയർത്താൻ പാർട്ടി ഫോറങ്ങൾ ഇല്ല. തോന്നുന്ന പോലെ കാര്യങ്ങൾ നടക്കുന്ന പാർട്ടിയിൽ പ്രവർത്തകർക്ക് അധികം പ്രതീക്ഷ വേണ്ടെന്നും സരിൻ കൂട്ടിച്ചേർത്തു.