തലയില്‍ 319 വൈന്‍ ഗ്ലാസുകള്‍. അത്രയേറെ വൈന്‍ ഗ്ലാസുകള്‍ വച്ചു ബാലന്‍സ് ചെയ്യാന്‍ ആര്‍ക്കെങ്കിലും കഴിയുമോ. ഒരു സൈപ്രസിലെ പാഫോസിലുള്ള 62 കാരന്‍ 319 വൈന്‍ ഗ്ലാസുകള്‍ ശിരസിലേറ്റി ലോക റെക്കോര്‍ഡിട്ടിരിക്കുകയാണ്. അരിസ്റ്റോടെലിസ് വലോറിറ്റിസ് എന്നാണ് ഈ വിദ്വാന്റെ പേര്. നരത്തെ 270 ഗ്ലാസുകള്‍ തലയില്‍ വച്ച് ബാലന്‍സ് ചെയ്ത എന്റ്‌റിനോസ് കാന്തിയുടെ റെക്കോര്‍ഡ് തകര്‍ത്തുകൊണ്ടാണ് ഇദ്ദേഹം ലോകത്തെ വിസ്മയിപ്പിച്ച് ഗിന്നസ് വേള്‍ഡ് റെക്കോര്‍ഡില്‍ ഇടം പിടിച്ചത്. അത്ഭുതകരമായ പ്രകടനത്തിന്റെ വീഡിയോ എക്സ്, ഇന്‍സ്റ്റഗ്രാം പ്ലാറ്റ്ഫോമുകളില്‍ പോസ്റ്റു ചെയ്തിട്ടുണ്ട്. വീഡിയോയുടെ അവസാന ഭാഗത്ത് ഗ്ലാസുകള്‍ നിലത്തു വീഴുന്നതു കാണാമെങ്കിലും റെക്കോര്‍ഡ് നേടാന്‍ അദ്ദേഹത്തിനു സാധിച്ചു. 1995 മുതല്‍ ഗ്ലാസ് ബാലന്‍സിംഗില്‍ പരിശീലനം നടത്തിവരികയായിരുന്നു അരിസ്റ്റോടെലിസ് വലോറിറ്റിസ് എന്ന 62 കാരന്‍. ഇത്തവണ അദ്ദേഹം തലയില്‍ വച്ച ഗ്ലാസുകള്‍ക്ക് 30 കിലോയായിരുന്നു ഭാരം. 50 കിലോ ഭാരമുള്ള മണല്‍ച്ചാക്ക് തലയിലേറ്റി പരിശീലിച്ച അദ്ദേഹം നേരത്തെ 49 ഗ്ലാസുകള്‍ ശിരസിലേറ്റ് ഡാന്‍സ് ചെയ്തിട്ടുമുണ്ട്.
Shaji Padmanabhan
Thirty years of experience in publication field. Started carrier from Gulf Voice monthly malayalam magazine in 1994. Worked in Mangalam (2000), Kerala Kaumudi (2004). Started a publication in 2008, named... More by Shaji Padmanabhan