വിഴിഞ്ഞം തുറമുഖ പദ്ധതിക്കെതിരെ ലത്തീൻ അതിരൂപതയുടെ നേതൃത്വത്തിൽ മത്സ്യത്തൊഴിലാളികൾ നടത്തി വരുന്ന സമരം നിര്‍ത്തണമെന്ന് തുറമുഖ വകുപ്പ് മന്ത്രി വി.അബ്ദുറഹ്മാൻ.മത്സ്യത്തൊഴിലാളികളുടെ ആറ് ആവശ്യങ്ങളും സര്‍ക്കാര്‍ നേരത്തെ അംഗീകരിച്ചതാണെന്നും അവയെല്ലാം നടപ്പാക്കി വരികയാണെന്നും പറഞ്ഞ മന്ത്രി ആവശ്യങ്ങൾ അംഗീകരിച്ച ശേഷവും സമരവുമായി മുന്നോട്ട് പോകുന്നത് എന്തിനാണെന്ന് അറിയില്ലെന്നും പറഞ്ഞു. തുറമുഖ നിർമാണം നിർത്തിവയ്ക്കണമെന്ന ആവശ്യം ശരിയോ എന്ന് സമരക്കാർ പരിശോധിക്കണം എന്നും മന്ത്രി പറഞ്ഞു.
കോടതിയും സമരക്കാരോട് സർക്കാർ സംവിധാനങ്ങളെ ബന്ദിയാക്കി വിലപേശൽ നടത്തരുത് എന്ന് പറഞ്ഞിരുന്നു. പോലീസ് സുരക്ഷ ഒരുക്കാനുള്ള കോടതി ഉത്തരവിന് പുല്ലുവിലയാണ് കൽപ്പിക്കുന്നതെന്ന് അദാനി ഗ്രൂപ്പ് കോടതിയെ അറിയിച്ചതിനെ തുടർന്നാണ് കോടതി സമരക്കാരോട് രാഷ്ട്രീയം കളിക്കരുത് എന്ന് പറഞ്ഞത്.