തൃണമൂല്‍ കോണ്‍ഗ്രസ് നേതാവ് ഷാജഹാന്‍ ഷെയ്ഖിനെ അറസ്റ്റ് ചെയ്യാന്‍ നിര്‍ദേശിച്ച് പശ്ചിമ ബംഗാള്‍ ഗവര്‍ണര്‍

തൃണമൂല്‍ കോണ്‍ഗ്രസ് നേതാവ് ഷാജഹാന്‍ ഷെയ്ഖിന് ഭീകരബന്ധമുണ്ടെന്നും രാജ്യം വിട്ട് ബംഗ്ലദേശിലേക്ക് കടന്നുവെന്നും പരാതി ലഭിച്ചതായി രാജ്ഭവന്‍ ഡിജിപിയെ അറിയിച്ചു. ഇതേ തുടർന്ന് ഷാജഹാന്‍ ഷെയ്ഖിനെ അറസ്റ്റ് ചെയ്യണമെന്ന് പശ്ചിമ ബംഗാള്‍ ഗവര്‍ണര്‍ സി.വി. ആനന്ദബോസ് നിര്‍ദേശിച്ചു. റേഷന്‍ അഴിമതിയുമായി ബന്ധപ്പെട്ട് പരിശോധനയ്ക്കെത്തിയ ഇഡി ഉദ്യോഗസ്ഥരെ ഷാജഹാൻ ഷെയ്ഖ് ഭീഷണിപ്പെടുത്തിയെന്ന് ബിജെപി ആരോപിച്ചിരുന്നു. എന്നാല്‍ ഇഡി ഉദ്യോഗസ്ഥരാണ് ജനങ്ങളെ പ്രകോപിപ്പിച്ചതെന്ന് തൃണമൂൽ കോൺഗ്രസ് വ്യക്തമാക്കി.