അപ്ഡേറ്റ് ചെയ്ത ബെന്റേഗ സ്പീഡ് ആഗോള വിപണികള്ക്കായി ബെന്റ്ലി പുറത്തിറക്കി. ബ്രാന്ഡിന്റെ ആഡംബര എസ്യുവിയുടെ പെര്ഫോമെന്സില് ശ്രദ്ധ കേന്ദ്രീകരിച്ചുള്ള പതിപ്പാണിത്. പുതുക്കിയ മോഡലില് വന്നിരിക്കുന്ന ഏറ്റവും വലിയ മാറ്റം എന്നത് ബെന്റ്ലി അതിന്റെ സിഗ്നേച്ചര് 6.0 ലിറ്റര് വാട്ട്12 എഞ്ചിന് മാറ്റിസ്ഥാപിച്ചിരിക്കുന്നു എന്നതാണ്. ഇതിനു പകരമായി കോണ്ടിനെന്റല് ജിടി -യില് വരുന്നതിനു സമാനമായ 4.0 ലിറ്റര് ട്വിന്-ടര്ബോ വി8 യൂണിറ്റാണ് പുതിയ ബെന്റേഗ സ്പീഡ് ഉപയോഗിക്കുന്നത്. 641 ബിഎച്പി പരമാവധി കരുത്തും 850 എന്എം ടോര്ക്കും ഈ എഞ്ചിന് നല്കുന്നു. ബെന്റേഗ സ്പീഡില് കംഫര്ട്ട്, ബെന്റ്ലി, സ്പോര്ട്ട് എന്നിങ്ങനെ മൂന്ന് ഡ്രൈവിംഗ് മോഡുകള് ഉണ്ട്. മോഡലില് ഓള്-വീല് സ്റ്റിയറിംഗും ഉള്പ്പെടുന്നു, ഇത് കുറഞ്ഞ വേഗതയിലും ഉയര്ന്ന വേഗതയിലും ഹാന്ഡ്ലിംഗ് മെച്ചപ്പെടുത്തുന്നു.
