കോഴിക്കോട്ടെ ചടങ്ങില്‍ സദസിനോട് ക്ഷോഭിച്ച് കേന്ദ്രമന്ത്രി മീനാക്ഷി ലേഖി

നാഷണൽ യൂത്ത് ഡേ സെലബ്രേഷൻ കമ്മിറ്റി കോഴിക്കോട്ട് സംഘടിപ്പിച്ച എവേക്ക് യൂത്ത് ഫോർ നേഷൻ പരിപാടിയിൽ സദസ്സിനോട് ക്ഷോഭിച്ച് കേന്ദ്രമന്ത്രി മീനാക്ഷി ലേഖി. പ്രസംഗത്തിന് ഒടുവിൽ താൻ വിളിച്ച ഭാരത് മാതാ കീ ജയ് മുദ്രാവാക്യം സദസ്സ് ഉച്ചത്തിൽ ഏറ്റുവിളിക്കാത്തതിനെ തുടർന്ന് മന്ത്രി പ്രകോപിതയായി. തുടർന്ന് ഭാരതം നിങ്ങളുടെ അമ്മയല്ലേ, എന്താണ് ഇങ്ങനെയൊരു മനോഭാവം ആർക്കെങ്കിലും ഈ രാജ്യത്തിന്റെ പേരിൽ അഭിമാനമില്ലെങ്കിൽ ഈ കോൺക്ലേവിൽ പങ്കെടുക്കരുതെന്ന് പറഞ്ഞ് മന്ത്രി ക്ഷുഭിതയായി. പിന്നീട് സദസ്സിൽ ഇരുന്ന മുഴുവൻ പേരെയും ഭാരത് മാതാ കീ ജയ് മുദ്രാവാക്യം ഏറ്റുവിളിപ്പിച്ചാണ് മന്ത്രി പ്രസംഗപീഠം വിട്ടുപോയത്.