പുതിയ ക്രിമിനല് നിയമങ്ങള് 2024 ജൂലായ് ഒന്ന് മുതല് പ്രാബല്യത്തില് വരുമെന്ന് കേന്ദ്ര നിയമ മന്ത്രി അര്ജുന് റാം മേഘ്വാള്. ഭാരതീയ ന്യായ സംഹിത, ഭാരതീയ നാഗരിക് സുരക്ഷാ സംഹിത , ഭാരതീയ സാക്ഷ്യ എന്നീ നിയമങ്ങളാണ് ജൂലായ് ഒന്നുമുതല് പ്രാബല്യത്തിലാവുന്നത്. 1860-ലെ ഇന്ത്യന് ശിക്ഷാനിയമം, 1898ലെ ക്രിമിനല് നടപടിച്ചട്ടം , 1872ലെ ഇന്ത്യന് തെളിവ് നിയമം എന്നിവയ്ക്കു പകരമാണ് ഇവ നിലവില് വരുന്നത്.ഐപിസി, സിആര്പിസി, ഇന്ത്യന് ശിക്ഷാനിയമം എന്നിവ മാറുകയാണ്. കൂടിയാലോചനകള്ക്കുശേഷം, നിയമ കമ്മീഷന് റിപ്പോര്ട്ട് പരിഗണിച്ചുകൊണ്ടാണ് പുതിയ നിയമം കൊണ്ടുവന്നിരിക്കുന്നതെന്ന് മന്ത്രി പറഞ്ഞു.