ഗൂഡല്ലൂരിലും മസിനഗുഡിയിലുമായി കാട്ടാന ആക്രമണത്തില്‍ രണ്ട് പേര്‍ മരിച്ചു. ദേവര്‍ശാലയില്‍ എസ്റ്റേറ്റ് ജീവനക്കാരനായ മാദേവ്, മസിനഗുഡിയില്‍ കര്‍ഷകനായ നാഗരാജ് എന്നിവരാണ് മരിച്ചത്. ദേവർശാലയില്‍ സർക്കാർ മൂല എന്ന സ്ഥലത്ത് വച്ച് മാദേവും, മസിനഗുഡിയിൽ പുലർച്ചെയുണ്ടായ ആക്രമണത്തിൽ കർഷകനായ നാഗരാജും കൊല്ലപ്പെടുകയായിരുന്നു. വന്യമൃഗങ്ങളുടെ ആക്രമണം വർദ്ധിച്ചതോടെ ബുധനാഴ്ച നടന്ന മന്ത്രിസഭായോഗത്തില്‍ മനുഷ്യ- വന്യജീവി സംഘര്‍ഷം സംസ്ഥാന ദുരന്തമായി പ്രഖ്യാപിച്ചിരുന്നു. വന്യമൃഗങ്ങളുടെ ആക്രമണം ചെറുക്കുന്നതിന് പല തരത്തിലുള്ള മാര്‍ഗങ്ങളും അവലംബിക്കുന്നതിനെ കുറിച്ച് യോഗം വിലയിരുത്തുന്നതിനിടെ വന്യമൃഗങ്ങളുടെ ആക്രമണം തുടരുകയാണ്.
