തെരഞ്ഞെടുപ്പ് കമ്മീഷന് കത്തെഴുതി തൃണമൂൽ കോൺഗ്രസ് നേതാവ് മഹുവ മൊയ്‌ത്ര

തെരഞ്ഞെടുപ്പ് കമ്മീഷന് കത്തെഴുതി തൃണമൂൽ കോൺഗ്രസ് നേതാവ് മഹുവ മൊയ്‌ത്ര. തന്റെ ലോക്സഭാ തിരഞ്ഞെടുപ്പ് പ്രചാരണം തടസ്സപ്പെടുത്താൻ സിബിഐ ശ്രമിക്കുന്നു എന്നും, തന്നെ മനപ്പൂർവ്വം സിബിഐ ദ്രോഹിക്കുകയാണ് എന്ന് ആരോപിച്ചു കൊണ്ടാണ് മഹുവ കത്തെഴുതിയിരിക്കുന്നത്. മാതൃകാ പെരുമാറ്റ ചട്ടം നിലനിൽക്കുമ്പോൾ കേന്ദ്ര അന്വേഷണ ഏജൻസികൾക്ക്‌ വേണ്ട മാർഗനിർദ്ദേശങ്ങൾ അടിയന്തരമായി പുറപ്പെടുവിപ്പിക്കണമെന്നും കത്തിലൂടെ ആവശ്യപ്പെട്ടു. ലോക്‌സഭയിലെ ചോദ്യത്തിന് കോഴവാങ്ങിയെന്ന കേസില്‍ മഹുവയുമായി ബന്ധപ്പെട്ട സ്ഥലങ്ങളില്‍ സി.ബി.ഐ. പരിശോധന നടത്തിയതിന് പിന്നാലെയാണ് മഹുവാ തിരഞ്ഞെടുപ്പ് കമ്മീഷന് കത്ത് എഴുതിയത്.