ഗുജറാത്തിലെ പോർബന്തറിൽ രക്ഷാപ്രവർത്തനത്തിനിടെ ഹെലികോപ്റ്റർ അപകടത്തിൽ വീരമ്യത്യു വരിച്ച മലയാളി പൈലറ്റ് വിപിൻ ബാബുവിന് അന്ത്യാ‍ഞ്ജലി

ഗുജറാത്തിലെ പോർബന്തറിൽ രക്ഷാപ്രവർത്തനത്തിനിടെ ഹെലികോപ്റ്റർ അപകടത്തിൽ വീരമ്യത്യു വരിച്ച മലയാളി പൈലറ്റ് വിപിൻ ബാബുവിന് അന്ത്യാ‍ഞ്ജലി. മൃതദേഹം മാവേലിക്കര കണ്ടിയൂരിലെ ശ്മശാനത്തിൽ സംസ്കരിച്ചു. പൂർണ ഔദ്യോ​ഗിക ബ​ഹുമതികളോടെ ആയിരുന്നു സംസ്കാരം നടന്നത്.കോസ്റ്റ് ഗാർഡ് സീനിയർ ഡെപ്യൂട്ടി കമാൻഡന്റ് ആലപ്പുഴ കണ്ടിയൂർ സ്വദേശി വിപിൻ ബാബുവാണ് വീരമ്യത്യു വരിച്ചത്. പോർബന്തർ തീരത്ത് നിന്നും ഉൾക്കടലിൽ ഹരിലീല എന്ന എണ്ണക്കപ്പൽ നിന്നും കപ്പൽ ജീവനക്കാരെ എത്തിക്കാനായി പുറപ്പെട്ട ഹെലികോപ്റ്റർ ആണ് അപകടത്തിൽ പെട്ടത്.