കേരള സംസ്ഥാന ഭാഗ്യക്കുറി വകുപ്പിന്റെ തിരുവോണം ബമ്പർ ബിആർ 99 ലോട്ടറി ഫലം പ്രഖ്യാപിച്ചു. TG 434222 എന്ന നമ്പറിനാണ് ഒന്നാം സമ്മാനം.വയനാട്ടിൽ വിറ്റ ടിക്കട്ടിനാണു ഒന്നാം സമ്മാനം. ടിക്കറ്റ് വിറ്റത് പ്രധാന ഏജൻറ് ജിനീഷ് ആണ്. അദ്ദേഹത്തിന്റെ കയ്യിൽ നിന്നും ടിക്കറ്റ് വാങ്ങിയത് ഏജൻറ് നാഗരാജാണ്. ടിക്കറ്റ് വിറ്റത് ഒരു മാസം മുൻപാണെന്ന് നാഗരാജ് പറഞ്ഞു. ആർക്കാണ് ടിക്കറ്റ് വിറ്റതെന്ന് ഓർമയില്ലെന്നും അദ്ദേഹം പറഞ്ഞു. തിരുവനന്തപുരം ബേക്കറി ജംങ്ഷനിലുള്ള ഗോർഖി ഭവനിൽ വച്ച് രണ്ട് മണി കഴിഞ്ഞാണ് നറുക്കെടുപ്പ് നടന്നത്. 25 കോടിയാണ് ഒന്നാം സമ്മാനം.രണ്ടാം സമ്മാനം ഒരു കോടി രൂപ (20 പേര്ക്ക് ), മൂന്നാം സമ്മാനം 50 ലക്ഷം രൂപയാണ്. ഓരോ പരമ്പരകള്ക്കും രണ്ടു വീതം സമ്മാനമെന്ന കണക്കില് 20 പേര്ക്കിത് ലഭിക്കും. ഓരോ പരമ്പരയിലും 10 പേര്ക്ക് വീതം അഞ്ചു ലക്ഷവും രണ്ടു ലക്ഷവുമാണ് യഥാക്രമം നാലും അഞ്ചും സമ്മാനങ്ങള്. സമാശ്വാസ സമ്മാനമായി അഞ്ചു ലക്ഷം രൂപ വീതവും ലഭിക്കും. ഒന്പതു പേര്ക്കാണ് സമാശ്വാസ സമ്മാനം ലഭിക്കുക. കൂടാതെ 5000, 2000, 1000, 500 രൂപയുടെ മറ്റ് നിരവധി സമ്മാനങ്ങളുമുണ്ട്.