ഒരു സെക്കന്റ് ഹാന്‍ഡ് അലമാര 8000 രൂപ കൊടുത്തു വാങ്ങിയയാള്‍ക്ക് അലമാരയ്ക്കുള്ളില്‍നിന്നു ലഭിച്ചത് വലിയൊരു നിധി. ടെക്സാസിലെ എമില്‍ നോഡല്‍ എന്നയാളാണ് 15 വര്‍ഷം പഴക്കമുള്ള അലമാര വാങ്ങിയത്. അലാരയിലെ മാര്‍ബിള്‍ വര്‍ക്കും വുഡ്ഫിനിഷും കണ്ടാണ് അദ്ദേഹം അത് വാങ്ങിയത്. അലമാര എടുത്തു പൊക്കിയപ്പോ അകത്ത് എന്തോ ഉണ്ടെന്ന് എമിലിനും അലമാര വിറ്റ പ്രീമിയര്‍ എസ്റ്റേറ്റ് സെയില്‍സ് നെറ്റ്വര്‍ക്കലെ ജീവനക്കാരനും തോന്നി. അതുകൊണ്ട് അലമാര തുറന്നു നോക്കാന്‍ അവര്‍ തീരുമാനിച്ചു. തുറന്നു നോക്കിയെങ്കിലും ഒന്നും കണ്ടെത്താനയില്ല. പക്ഷേ, ഒരു അറയുടെ അടിയില്‍ ഒളിപ്പിച്ച രഹസ്യ അറ അലമരായ്ക്കുണ്ടായിരുന്നു. അതു തുറന്നപ്പോള്‍ എമില്‍ അമ്പരന്നു. സ്വര്‍ണ്ണം, വെള്ളി എന്നിവകൊണ്ടുള്ള ആഭരണങ്ങള്‍, പണം, മിലിറ്ററി ഡോഗ് ടാഗ്സ്, സ്റ്റാമ്പുകള്‍ തുടങ്ങിയ അമൂല്യമായ ഇനങ്ങള്‍ അതിലുണ്ടായിരുന്നു. എമില്‍ വിവരം അലമാരയുടെ പഴയ ഉടമയെ അറിയിച്ചു. അയാളുടെ മരിച്ചുപോയ അച്ഛന്റേതായിരുന്നു അലമാര. അതിനകത്ത് അങ്ങനെ ഒരു രഹസ്യ അറ ഉണ്ടെന്നോ അതിനകത്ത് സ്വര്‍ണാഭരണങ്ങളും പണവുമുണ്ടെന്നോ അയാള്‍ക്കും അറിയില്ലായിരുന്നു. എന്തായാലും എമില്‍ അലമാര തുറക്കുമ്പോള്‍ അകത്തെ നിധിശേഖരം കാണുന്ന വീഡിയോ അണ്‍ടോള്‍ഡ് റിച്ചസ് എന്ന ഇന്‍സ്റ്റഗ്രാം അക്കൗണ്ടിലൂടെ വൈറലായി.
Shaji Padmanabhan
Thirty years of experience in publication field. Started carrier from Gulf Voice monthly malayalam magazine in 1994. Worked in Mangalam (2000), Kerala Kaumudi (2004). Started a publication in 2008, named... More by Shaji Padmanabhan