മരണവും കുറ്റകൃത്യങ്ങളും ആര്‍ക്കും ഇഷ്ടമല്ല. എന്നാല്‍ മരണത്തിന്റെയും കുറ്റകൃത്യങ്ങളുടേയും വിശേഷങ്ങള്‍ പറയുന്ന ഒരു മ്യൂസിയമുണ്ട്. മ്യൂസിയങ്ങള്‍ സന്ദര്‍ശിക്കാന്‍ എല്ലാവര്‍ക്കും ഇഷ്ടമാണ്. എന്നാല്‍ മരണത്തിന്റെയും കുറ്റകൃത്യങ്ങളുടേയും മ്യൂസിയം കാണാന്‍ മിക്കവരും മടിക്കും. എന്നാല്‍ കുറ്റാന്വേഷകര്‍ക്ക് ഈ മ്യൂസിയം വലിയൊരു പഠനകേന്ദ്രമാണ്. സാധാരണ മ്യൂസിയങ്ങള്‍ വൈവിധ്യമാര്‍ന്ന കലാ വസ്തുക്കള്‍ കൊണ്ടും പുരാവസ്തു ശേഖരങ്ങള്‍ കൊണ്ടുമൊക്കെ സമ്പന്നമായിരിക്കും. എന്നാല്‍ മരണത്തിന്റെ മ്യൂസിയത്തില്‍ എന്തെല്ലാം കാണും. ന്യൂ ഓര്‍ലിയാന്‍സിലാണ് അങ്ങനെയൊരു മ്യൂസിയമുള്ളത്. ഡാര്‍ക്ക് ‘ക്രൈം’ മ്യൂസിയം. കുറ്റകൃത്യങ്ങളുടെ ദൃശ്യങ്ങള്‍, സീരിയല്‍ കില്ലര്‍മാര്‍ ഉപയോഗിക്കുന്ന വസ്തുക്കള്‍ തുടങ്ങിയവയാണ്. ക്രൂരകൃത്യങ്ങളുമായി ബന്ധപ്പെട്ട വിശേഷങ്ങളുടെ ഭീകരമായ ശേഖരമാണ് ഇവിടെയുള്ളത്. 1995 -ല്‍ കാലിഫോര്‍ണിയയിലെ സാന്‍ ഡീഗോയില്‍ ആണ് ഈ ശ്രേണിയില്‍പ്പെട്ട ആദ്യത്തെ മ്യൂസിയം ഓഫ് ഡെത്ത് തുറന്നത്. പിന്നീട് ഇത് ലോസ് ഏഞ്ചല്‍സിലെ ഹോളിവുഡ് ബൊളിവാര്‍ഡിലേക്ക് മാറ്റി. ഇപ്പോള്‍ ലൂസിയാനയിലെ ന്യൂ ഓര്‍ലിയാന്‍സില്‍ തുറന്നിരിക്കുന്നത് മ്യൂസിയം ഓഫ് ഡെത്തിന്റെ രണ്ടാമത്തെ കേന്ദ്രമാണ്. കുറ്റകൃത്യങ്ങളുടെ ഭയാനകത മനസിലാക്കാനാണ് ഈ മ്യൂസിയമെന്നാണ് ന്യൂ ഓര്‍ലിയന്‍സ് മ്യൂസിയത്തിന്റെ ക്യൂറേറ്റായ സ്‌കോട്ട് ഹീലി പറയുന്നത്.
Shaji Padmanabhan
Thirty years of experience in publication field. Started carrier from Gulf Voice monthly malayalam magazine in 1994. Worked in Mangalam (2000), Kerala Kaumudi (2004). Started a publication in 2008, named... More by Shaji Padmanabhan