ബിജെപിയുടെ നേതൃത്വത്തിൽ തിരുവനന്തപുരം കൊച്ചുവേളിയില്നിന്നും കേരളത്തില് നിന്ന് അയോധ്യയിലേക്കുള്ള ആദ്യ ട്രെയിന് ഇന്നു പുറപ്പെടും. ടിക്കറ്റിനുള്ള പണം യാത്രക്കാര് നല്കണം. ഭക്ഷണം, താമസം, ദര്ശനം എന്നിവക്കുള്ള സൗകര്യങ്ങള് പാര്ട്ടിയായിരിക്കും ഒരുക്കുക. കേരളത്തില്നിന്ന് ആസ്താ സ്പെഷ്യല് ട്രെയിനുകള് അയോധ്യയിലേക്ക് സര്വീസ് നടത്തുമെന്നാണ് അറിയിച്ചിരിക്കുന്നത്. 3300 രൂപയാണ് കൊച്ചുവേളിയില്നിന്ന് അയോധ്യയിലേക്കുള്ള ടിക്കറ്റ് നിരക്ക്. അയോധ്യയിലെ രാമക്ഷേത്രത്തിന്റെ പ്രാണ പ്രതിഷ്ഠ പൂര്ത്തിയായതിന് പിന്നാലെ സംസ്ഥാനങ്ങളില്നിന്ന് യാത്ര സംഘടിപ്പിക്കുമെന്ന് ബിജെപി നേരത്തെ വ്യക്തമാക്കിയിരുന്നു.
