സർക്കാർ പണം ധൂർത്തടിയിക്കുകയാണെന്ന വിമർശനത്തിനെതിരെ തുറന്ന ചർച്ചയ്ക്ക് തയ്യാറെന്ന് ധനമന്ത്രി

മന്ത്രിമാരുടെ ചെലവ് അടക്കം എല്ലാ ആരോപണങ്ങളിലും ചർച്ചയ്ക്ക് തയ്യാറാണെന്ന് ബജറ്റ് അവതരിപ്പിക്കുന്നതിനിടെ ധനമന്ത്രി കെ എൻ ബാലഗോപാൽ പറഞ്ഞു. സാമ്പത്തിക ബുദ്ധിമുട്ടുണ്ട് എന്നുള്ള സർക്കാരിന്റെ പ്രസ്താവനയ്ക്ക് മറവിൽ കേരളത്തിൽ ഒന്നും നടക്കുന്നില്ലെന്നും സംസ്ഥാനം പാപ്പരാണ് ട്രഷറിയിൽ പൂച്ചപെറ്റു കിടക്കുന്നു എന്നതുപോലെയുള്ള പ്രചരണം ദുരുദ്ദേശപരമാണ്. ട്രഷറി പൂർണ സമയവും പ്രവർത്തന സജ്ജമാണ് സജീവവുമാണെന്നും അദ്ദേഹം പറഞ്ഞു. കേരള സർക്കാരിന്റെ സമീപനം ഉത്തരവാദിത്തങ്ങളിൽ നിന്നും ഒളിച്ചോടലല്ല. ഈ അവസരത്തിൽ ധൂർത്ത് നടത്തുകയാണെന്ന് വിമർശിച്ചാൽ അതിനും മറുപടിയുണ്ടെന്നും, മന്ത്രിമാരുടെ എണ്ണം, ചെലവ്, വിദേശയാത്ര എന്നിവയെല്ലാം യുഡിഎഫിന്റെ കാലമായോ മറ്റ് സംസ്ഥാനങ്ങളുമായോ താരതമ്യം ചെയ്ത് പരിശോധിക്കാൻ തയ്യാറാണെന്നും ധനമന്ത്രി വ്യക്തമാക്കി.