പാര്‍ലമെന്‍റിലെ അതിക്രമത്തിനും പ്രതിഷേധത്തിനും കാരണം സര്‍ക്കാര്‍ നയങ്ങളോടുള്ള എതിര്‍പ്പെന്ന് പ്രതികൾ

സർക്കാർ നയങ്ങളോടുള്ള എതിർപ്പാണ് ഇന്നലെ ഉണ്ടായ പാര്‍ലമെന്‍റിലെ അതിക്രമങ്ങളുടെ പിന്നിലെന്നും, ഭഗത് സിങിനെ പോലെ ഭരണകൂടത്തിന് മറുപടി നൽകാനാണ് ശ്രമിച്ചതെന്നുമാണ് പ്രതികളുടെ മൊഴി. പ്രതികൾക്കെതിരെ യുഎപിഎ യ്ക്കു പുറമെ, ക്രിമിനൽ ഗൂഢാലോചന, അതിക്രമിച്ച് കടക്കൽ അടക്കം വകുപ്പുകൾ ദില്ലി പൊലീസ് ചുമത്തിയിട്ടുണ്ട്. പാർലമെൻറ് സുരക്ഷയ്ക്കുള്ള കൂടുതൽ ഉപകരണങ്ങൾ വാങ്ങാൻ ടെൻഡർ ക്ഷണിച്ച ആഴ്ച തന്നെ ആണ് ഇങ്ങനെ ഒരു അതിക്രമം നടന്നത്. പ്രധാനമന്ത്രി അമിത് ഷായോടും സ്പീക്കറോടും സംസാരിച്ചു.