പ്രമുഖ ശീതളപാനീയത്തിന്റെയും, മൊബൈല് നിര്മ്മാണ കമ്പനിയുടെയും പേരില് വൻ നിക്ഷേപക തട്ടിപ്പ്. കമ്പനികളുടെ യഥാര്ത്ഥ പേരും ലോഗോയുമാണ് തട്ടിപ്പുകാര് ഉപയോഗിക്കുന്നത്. പ്രമുഖ കമ്പനികളുടെ പേരില് സുഹൃത്തുക്കളില് നിന്ന് വാട്സ്ആപ്പ് ഗ്രൂപ്പിലേക്ക് ക്ഷണിച്ചുകൊണ്ട് ലഭിക്കുന്ന സന്ദേശമാണ് തട്ടിപ്പിന്റെ ആരംഭം. ഇത്തരത്തില് ലഭിക്കുന്ന ലിങ്കില് ക്ലിക്ക് ചെയ്യുന്നതോടുകൂടി ഒരു വാട്സ്ആപ്പ് ഗ്രൂപ്പില് അംഗമാവുo. തുടര്ന്ന് കമ്പനിയില് നിക്ഷേപം നടത്തുന്നതിനും ലാഭം ലഭിക്കുന്നതിനും പ്രമുഖ കമ്പനിയുടേതെന്ന് അവകാശപ്പെടുന്ന വ്യാജ ആപ്പ് ഇന്സ്റ്റാള് ചെയ്യാന് ആവശ്യപ്പെടുന്നു.ഈ ആപ്പ് മുഖാന്തിരം നിക്ഷേപം നടത്തുന്നതിന് പുറമെ കൂടുതല് ആളുകളെ ചേര്ക്കുന്നതിലൂടെ ഒരു നിശ്ചിത ശതമാനം ലാഭവിഹിതം നല്കാമെന്ന് വിശ്വസിപ്പിക്കുന്നു.ഇത്തരം ഓണ്ലൈന് സാമ്പത്തിക കുറ്റകൃത്യങ്ങള് ശ്രദ്ധയില്പ്പെടുകയോ ഇരയാവുകയോ ചെയ്താല് ഉടന് തന്നെ 1930 എന്ന സൗജന്യ നമ്പറില് ബന്ധപ്പെട്ടോ,https://cybercrime.gov.in എന്ന വെബ്സൈറ്റ് മുഖേനയോ പരാതികള് നല്കാവുന്നതാണ്.
