തിയറ്റര് റിലീസിന് ശേഷം പ്രേക്ഷകര്ക്കിടയില് ചര്ച്ചയായ മലയാള ചിത്രമായ ‘പൊങ്കാല’ ഒടിടിയിലേക്ക്. ശ്രീനാഥ് ഭാസിയാണ് ചിത്രത്തില് പ്രധാന വേഷത്തിലെത്തുന്നത്. 2000 കാലഘട്ടത്തില് ഹാര്ബര് പശ്ചാത്തലമാക്കി വൈപ്പിന് മുനമ്പം തീരദേശത്ത് നടന്ന ഒരു സംഭവ കഥയെ ആസ്പദമാക്കിയാണ് ചിത്രം സഞ്ചരിക്കുന്നത്. യാമി സോനയാണ് ചിത്രത്തില് നായികയായെത്തുന്നത്. ജൂണ് 12 മുതല് ആമസോണ് പ്രൈം വിഡിയോയിലൂടെ ചിത്രം സ്ട്രീമിങ് ആരംഭിക്കും. പ്രണയം, സൗഹൃദം, വിശ്വാസവഞ്ചന, നഷ്ടം, പ്രതികാരം എന്നീ വികാരങ്ങളിലൂടെ സഞ്ചരിക്കുന്ന ചിത്രം ശക്തമായ ആക്ഷന് രംഗങ്ങളാലും ശ്രദ്ധേയമാണ്. ബാബുരാജ്, സുധീര് കരമന, സാദിഖ്, സമ്പത്ത് റാം, അലന്സിയര്, കിച്ചു ടെല്ലസ്, ഇന്ദ്രജിത്ത് ജഗജിത്, ജീമോന് ജോര്ജ്, മുരുകന് മാര്ട്ടിന് സ്മിനു സിജോ, ശാന്തകുമാരി, രേണു സുന്ദര് എന്നിവരും പ്രധാന കഥാപാത്രങ്ങളായെത്തുന്നുണ്ട്.
