ശാന്തവും വിശാലവുമായ ബഹിരാകാശത്തില്‍ ഭൂമിയെ ചുറ്റി സഞ്ചരിക്കുന്ന ആറ് ബഹിരാകാശയാത്രികര്‍. ഓര്‍മ്മകളുടെയും ആഗ്രഹങ്ങളുടെയും ലോലമായ നൂലിഴകളാല്‍ ബന്ധിതരാണവര്‍. കാപ്സ്യൂളിലെ ചെറിയ ജാലകങ്ങളിലൂടെ അവര്‍ കാണുന്ന സമുദ്രങ്ങളിലെ ചുഴലിക്കാറ്റും പ്രകാശമാനമായ നഗരങ്ങളും അതിരില്ലാത്ത ഇരുട്ടും എല്ലാം അവരുടെ ചിന്തകളെ സ്വാധീനിക്കുന്നു. ഒരുമിച്ച് സഞ്ചരിക്കുമ്പോഴും ഓരോരുത്തരും തങ്ങളുടേതായ ഭ്രമണപഥത്തില്‍ നിന്നുകൊണ്ട് സ്വന്തം അനുഭവങ്ങളെ കുറിക്കുന്നു. നോവലിന്റെ ഓരോ അധ്യായവും ഭൂമിയെ ചുറ്റിപ്പറ്റിയുള്ള 90 മിനിറ്റ് ദൈര്‍ഘ്യമുള്ള ഒരു ഭ്രമണപഥത്തെ ഉള്‍ക്കൊള്ളുന്നു. അങ്ങനെ 24 മണിക്കൂറില്‍ 16 ഭ്രമണപഥങ്ങള്‍. അതിശയകരമാംവിധം ദൂരത്തെ നമ്മിലേക്ക് അടുപ്പിക്കുന്ന വായനാനുഭവം. ‘ഓര്‍ബിറ്റല്‍’. സമന്ത ഹാര്‍വി. വിവര്‍ത്തനം – ആശ നായര്‍. ഡിസി ബുക്‌സ്. വില 284 രൂപ.