ഓണക്കാലത്ത് റേഷന് അരിയുടെ വില 10.90 ല് നിന്ന് 26 ആയി വര്ധിപ്പിച്ചുവെന്ന പ്രചാരണം വാസ്തവമല്ലെന്ന് ഭക്ഷ്യവകുപ്പ്. ഒരോ കാര്ഡിനുമുള്ള സാധാരണ റേഷന് അരിവിഹിതം കുറച്ചിട്ടുമില്ല, വില കൂട്ടിയിട്ടുമില്ലെന്ന് ഭക്ഷ്യവകുപ്പ് അറിയിച്ചു. കേന്ദ്രസര്ക്കാരിന്റെ ടൈഡ് ഓവര് വിഹിതം അരി ലഭ്യതയില് 2026 ജനുവരി മുതല് 6,459 മെട്രിക് ടണ്ണിലധികം കുറവുണ്ടായി. 33,294 മെട്രിക് ടണ് അരി ലഭിച്ചിരുന്നത് ഇപ്പോള് 26,835 മെട്രിക് ടണ് അരിയും 6,459 മെട്രിക് ടണ് ഗോതമ്പുമാണ്. കഴിഞ്ഞ സര്ക്കാര് നിരന്തരം ആവശ്യപ്പെട്ടതനുസരിച്ചാണ് കേന്ദ്രം ഈ മാറ്റം വരുത്തിയത്. റ്റൈഡ് ഓവര് വിഹിതത്തില് നിന്നാണ് ഉത്സവകാലങ്ങളില് സ്പെഷല് അരി നല്കിയിരുന്നത്. എന്നാല്, 2025 ഡിസംബറില് കഴിഞ്ഞ സര്ക്കാര് അരി വിഹിതത്തില് കുറവു വരുത്തി പകരം അത്രയും ഗോതമ്പ് വാങ്ങിയതാണ് സ്പെഷല് അരി കൊടുക്കാന് പരിമിതി ഉണ്ടായത്.
