തെലുങ്ക് നടന്‍ നന്ദമൂരി ബാലകൃഷ്‌യുടെ മകനും സിനിമയിലേക്ക്. അരങ്ങേറ്റം പ്രശാന്ത് വര്‍മയുടെ സംവിധാനത്തിലുള്ള ചിത്രത്തിലൂടെ ആയിരിക്കും. ഹനുമാന്‍ എന്ന സര്‍പ്രൈസ് ഹിറ്റിന്റെ സംവിധായകനാണ് പ്രശാന്ത് വര്‍മ. നന്ദമുരി മോക്ഷഗ്‌ന്യ നായകനായി വരുന്ന ചിത്രം പുരാതന ഇതിഹാസത്തെ അടിസ്ഥാനമാക്കിയാണ് ഒരുക്കുന്നത്. ഒരു സ്‌റ്റൈലിഷ് ലുക്കിലുള്ള മോക്ഷഗ്‌ന്യയുടെ ചിത്രവും പ്രവര്‍ത്തകര്‍ പുറത്തുവിട്ടിട്ടുണ്ട്. സംവിധായകന്‍ പ്രശാന്ത് വര്‍മയുടെ പ്രതീക്ഷയേറെയുള്ള സിനിമാറ്റിക് യൂണിവേഴ്‌സില്‍ ഉള്‍പ്പെടുന്ന ഒരു പ്രധാന ചിത്രത്തിലാണ് മോക്ഷഗ്‌ന്യ നായകനാകുന്നത്.
