നടനും മുഖ്യമന്ത്രിയുമായ വിജയ് യുടെ ജന്മദിനം ആഘോഷിക്കാന് 2017 ലെ ബ്ലോക്ക്ബസ്റ്റര് ചിത്രം ‘മെര്സല്’ വീണ്ടും റിലീസ് ചെയ്യാന് ഒരുങ്ങുകയാണ്. വിജയ്യുടെ ജന്മദിനമായ ജൂണ് 22 ന് റീ-റിലീസ് ചെയ്യാന് തീരുമാനിച്ചിട്ടുണ്ട്. ആറ്റ്ലി സംവിധാനം ചെയ്ത മെര്സലില് വിജയ് മൂന്ന് വേഷങ്ങളില് അഭിനയിച്ചു. സാമന്ത റൂത്ത് പ്രഭു, എസ് ജെ സൂര്യ, കാജല് അഗര്വാള്, നിത്യ മേനോന്, വടിവേലു, ഹരീഷ് പേരാടി, കോവൈ സരള, സത്യന്, സത്യരാജ് എന്നിവരുള്പ്പെടെയുള്ള ഒരു കൂട്ടം അഭിനേതാക്കളാണ് സിനിമയില് ഉണ്ടായിരുന്നത്. 2017 ഒക്ടോബര് 18 ന് ദീപാവലിക്ക് റിലീസ് ചെയ്ത മെര്സലിന് വലിയ തോതില് പോസിറ്റീവ് അവലോകനങ്ങള് ലഭിച്ചു. ആഗോള ബോക്സ് ഓഫീസില് 200 കോടി രൂപയോളം നേടി. ചൈനയില് റിലീസ് ചെയ്യുന്ന ആദ്യ തമിഴ് ചിത്രമെന്ന നിലയിലും വിജയ് അഭിനയിച്ച ഈ ചിത്രം വാര്ത്തകളില് ഇടം നേടി.