ഓള്‍ വി ഇമാജിന്‍ ഇസ് ലൈറ്റിന് ശേഷം ദിവ്യപ്രഭ കേന്ദ്ര കഥാപാത്രമാവുന്ന ഏറ്റവും പുതിയ ചിത്രത്തിന്റെ ഫസ്റ്റ്ലുക്ക് പുറത്തുവിട്ടു. ‘മര്‍ത്ത്യലോക ഇതിഹാസം’ എന്ന് പേരിട്ടിരിക്കുന്ന ചിത്രം സംവിധാനം ചെയ്യുന്നത് അടല്‍ കൃഷ്ണനാണ്. വിന്‍ പ്രൊഡക്ഷന്‍സിന്റെ ബാനറില്‍ കെ ഇന്ദുലേഖയും വിനീത വാര്യരുമാണ് ചിത്രത്തിന്റെ നിര്‍മ്മാതാക്കള്‍. 55-ാം അന്താരാഷ്ട്ര ചലച്ചിത്രോത്സവത്തിന്റെ ഭാഗമായുള്ള ഫിലിം ബസാറിന്റെ വ്യൂവിങ് റൂമിലേക്ക് ‘മര്‍ത്ത്യലോക ഇതിഹാസം’ തെരഞ്ഞെടുക്കപ്പെട്ടു. ഏറെ ചര്‍ച്ച ചെയ്യപ്പെട്ട വുമണ്‍ വിത്ത് എ മൂവി ക്യാമറയിലൂടെ ശ്രദ്ധനേടിയ സംവിധായകനാണ് അടല്‍ കൃഷ്ണന്‍. ചിത്രത്തില്‍ ദിവ്യപ്രഭയെ കൂടാതെ, സുര്‍ജിത്ത് ഗോപിനാഥ്, കുമാര്‍ സേതു, സൈഫുദ്ധീന്‍ ഇ, പ്രശാന്ത് മാധവന്‍ ,ജീവന്‍ ജോസ്, ജോവിന്‍ എബ്രഹാം എന്നിവരാണ് മറ്റ് അഭിനേതാക്കള്‍.