ഇന്ത്യന് സ്വാതന്ത്ര്യസമരചരിത്രത്തില് 1857 -ലെ വിപ്ലവം കഴിഞ്ഞാല് ഏറ്റവും അധികം വ്യക്തികള് ബന്ധസ്ഥരാക്കപ്പെട്ടത് 1921-ലെ മലബാര് സമരവുമായി ബന്ധപ്പെട്ടാണ്. കൊളോണിയല് ഭരണകൂടം ജയിലുകളെ കേവലം ശിക്ഷാ കേന്ദ്രങ്ങളായിമാത്രമല്ല ഭരണകൂടത്തിന്റെ എതിരാളികളെ നേരിടാനുള്ള രാഷ്ട്രീയ ഉപകരണമായും ഉപയോഗിച്ചിരുന്നു. അത്തരത്തില് 1921-ലെ മലബാര് കലാപവുമായി ബന്ധപ്പെട്ട മദ്രാസ് പ്രവിശ്യയിലെയും ആന്ഡമാനിലെയും ജയിലുകളില് ബന്ധനസ്ഥരാക്കിയ പതിനായിരത്തിലേറെ വരുന്ന രാഷ്ട്രീയ തടവുകാരുടെ ഇരുളടഞ്ഞ ചരിത്രത്തിലേക്കുള്ള ഒരു എത്തിനോട്ടമാണ് ഈ പുസ്തകം. കൊളോണിയല് രേഖകളില് പരാമര്ശിക്കുന്നതില്നിന്നും നേര്വിപരീതമായി മര്ദ്ദനത്തിനും ചൂഷണത്തിനും വിധേയരാക്കപ്പെട്ട തടവുകാരുടെ ദൈനംദിന ജീവിതത്തെക്കുറിച്ചും അവര് നടത്തിയ പ്രതിരോധങ്ങളെ സംബന്ധിച്ചും സൂക്ഷ്മമായി അന്വേഷിക്കുന്ന പുസ്തകം. ‘മലബാര് കലാപ കാലത്തെ ജയിലുകള്’. ഷുമൈസ് യു. ഡിസി ബുക്സ്. വില 435 രൂപ.
