ഏപ്രില് 20 ന് ഔദ്യോഗിക വില പ്രഖ്യാപനത്തോടെ മജസ്റ്റര് എസ്യുവി പുറത്തിറക്കുമെന്ന് ജെഎസ്ഡബ്ല്യു എംജി മോട്ടോര് ഇന്ത്യ സ്ഥിരീകരിച്ചു. ബോഡി-ഓണ്-ഫ്രെയിം ഷാസിയെ അടിസ്ഥാനമാക്കി എത്തുന്ന ഈ പ്രീമിയം മൂന്ന്-വരി എസ്യുവിനായുള്ള ബുക്കിംഗുകള് ആരംഭിച്ചു. 41,000 രൂപ ടോക്കണ് തുകയ്ക്ക്, ഡെലിവറികള് മെയ് മാസത്തില് ആരംഭിക്കും. 40 ലക്ഷം മുതല് 45 ലക്ഷം രൂപ വരെ എക്സ്-ഷോറൂം വില പ്രതീക്ഷിക്കുന്നു. മുന്കൂട്ടി ബുക്ക് ചെയ്യുന്ന ആദ്യത്തെ 3,000 വാങ്ങുന്നവര്ക്ക് 5 വര്ഷത്തെ/അണ്ലിമിറ്റഡ് കിലോമീറ്റര് വാറന്റി, അഞ്ച് വര്ഷത്തെ ലേബര്-ഫ്രീ സര്വീസ് കരാര്, അഞ്ച് വര്ഷത്തെ റോഡ്സൈഡ് അസിസ്റ്റന്സ് എന്നിവ ലഭിക്കും. 215 ബിഎച്ച്പിയും 478 എന്എം ടോര്ക്കും ഉത്പാദിപ്പിക്കുന്ന ശക്തമായ 2.0 ലിറ്റര് ട്വിന് ടര്ബോ ഡീസല് എഞ്ചിനാണ് എംജി മജസ്റ്ററില് ഉള്ളത്. 8-സ്പീഡ് ടോര്ക്ക് കണ്വെര്ട്ടര് ഓട്ടോമാറ്റിക് ഗിയര്ബോക്സ് പവര് എത്തിക്കും.