പ്രമുഖ മലയാളി വ്യവസായി എം.എ യൂസഫലിയുടെ ഉടമസ്ഥതയിലുള്ള ലുലുഗ്രൂപ്പ് 2025ലെ ഗള്‍ഫ് മേഖലയില്‍ നിന്നുള്ള അര്‍ധവാര്‍ഷിക ഫലം പുറത്തുവിട്ടു. ആദ്യ പകുതിയില്‍ 36,000 കോടി രൂപയുടെ വരുമാനം നേടി. 9.9 ശതമാനം വളര്‍ച്ചയോടെ 1,200 കോടി രൂപയുടെ ലാഭവും കമ്പനി സ്വന്തമാക്കി. ഇ-കൊമേഴ്സ് രംഗത്തെ മികച്ച വളര്‍ച്ചയാണ് നേട്ടത്തിന് കരുത്തേകിയത്. 5,037 കോടി രൂപയുടെ നേട്ടത്തോടെ 3.5 ശതമാനം വളര്‍ച്ച ലുലു പ്രൈവറ്റ് ലേബല്‍ പ്രൊഡക്ട്സില്‍ നിന്ന് നേടി. റീട്ടെയ്ല്‍ വരുമാനത്തിന്റെ 29.7 ശതമാനം പ്രൈവറ്റ് ലേബലില്‍ നിന്നാണ്. 952 കോടി രൂപയുടെ നേട്ടത്തോടെ 43.4 ശതമാനം വളര്‍ച്ചാനിരക്ക് ഇ-കൊമേഴ്സിനുണ്ട്. യു.എ.ഇയില്‍ 9.4 ശതമാനം വളര്‍ച്ച നേടാന്‍ ലുലുഗ്രൂപ്പിനായി. സൗദി അറേബ്യയില്‍ 3.8 ശതമാനവും കുവൈത്തില്‍ 4.9 ശതമാനവും വളര്‍ച്ച ലുലുവിനുണ്ട്. നിക്ഷേപകര്‍ക്കായി 867 കോടി രൂപയുടെ ലാഭവിഹിതം കമ്പനി പ്രഖ്യാപിച്ചു. 78 ശതമാനത്തിലേറെ ലാഭവിഹിതമാണ് നിക്ഷേപകര്‍ക്ക് ലഭിക്കുക. ലുലു ഹാപ്പിനെസ് ലോയല്‍റ്റി പ്രോഗ്രാമിനും മികച്ച നേട്ടമാണ് ലഭിച്ചത്. ഒരു മില്യണ്‍ പുതിയ അംഗങ്ങളോടെ 7.3 മില്യണ്‍ പേര്‍ ഹാപ്പിനെസ് പ്രോഗ്രാമില്‍ അംഗങ്ങളായി.
Shaji Padmanabhan
Thirty years of experience in publication field. Started carrier from Gulf Voice monthly malayalam magazine in 1994. Worked in Mangalam (2000), Kerala Kaumudi (2004). Started a publication in 2008, named... More by Shaji Padmanabhan