◾https://dailynewslive.in/ മുല്ലപ്പെരിയാര്‍ അണക്കെട്ടിന് സുരക്ഷാഭീഷണി ഉണ്ടെന്നത് ആശങ്ക മാത്രമാണെന്ന നിരീക്ഷണവുമായി സുപ്രീം കോടതി. 135 വര്‍ഷത്തെ കാലവര്‍ഷം അണക്കെട്ട് മറികടന്നതാണെന്നും അണക്കെട്ടുമായി ബന്ധപ്പെട്ട ഹര്‍ജികള്‍ മൂന്ന് അംഗ ബെഞ്ച് പരിഗണിക്കുമെന്നും സുപ്രീം കോടതി അറിയിച്ചു. വര്‍ഷങ്ങളായി ഡാം പൊട്ടുമെന്ന ഭീതിയില്‍ ആളുകള്‍ ജീവിക്കുകയാണെന്നും എന്നാല്‍ ഡാമിന്റെ ആയുസ് പറഞ്ഞതിനെക്കാള്‍ രണ്ടിരട്ടി കഴിഞ്ഞല്ലോയെന്നും ജസ്റ്റിസ് ഋഷികേശ് റോയ് ചോദിച്ചു. ആകാശം ഇടിഞ്ഞ് വീഴുമെന്ന് കാര്‍ട്ടൂണ്‍ കഥാപാത്രം പറയുന്നത് പോലെയാണ് ഭീഷണിയെക്കുറിച്ചുളള ആശങ്ക എന്നും ബെഞ്ച് ചൂണ്ടിക്കാട്ടി.
◾https://dailynewslive.in/ ബജറ്റിന് മുന്നോടിയായി സംസ്ഥാനത്തിനായുള്ള 24,000 കോടി രൂപയുടെ പ്രത്യേക പാക്കേജ് ധനമന്ത്രി കെഎന്‍ ബാലഗോപാല്‍ കേന്ദ്രത്തിന് സമര്‍പ്പിച്ചു. കേന്ദ്രാവിഷ്‌കൃത പദ്ധതി നടത്തിപ്പിന് സമാഹരിക്കുന്ന വായ്പ പോലും കടപരിധിയില്‍ ഉള്‍പ്പെടുത്തുന്ന കേന്ദ്ര നയത്തിനെതിരെ കടുത്ത പ്രതിഷേധമുന്നയിക്കുന്ന കേരളം അത് പുനഃപരിശോധിക്കണമെന്ന ആവശ്യമാണ് പ്രധാനമായും കേന്ദ്ര സര്‍ക്കാരിന് മുന്നില്‍ വയ്ക്കുന്നത്. അടുത്ത സാമ്പത്തിക വര്‍ഷം 3.5 ശതമാനമായെങ്കിലും കടമെടുപ്പ് പരിധി ഉയര്‍ത്തണമെന്നാണ് കേരളത്തിന്റെ ആവശ്യം.
*കെ.എസ്.എഫ്.ഇ*
*സ്‌ക്രീന്‍ ഷോട്ട് മത്സരം*
സ്‌ക്രീന്‍ ഷോട്ടെടുത്തയക്കൂ; ദിവസേന സമ്മാനം നേടൂ.
ഡെയ്‌ലി ന്യൂസിന്റെ ടെക്സ്റ്റ് /വീഡിയോ വാര്‍ത്തകളില്‍ വരുന്ന കെ.എസ്.എഫ്.ഇ യുടെ പരസ്യത്തിന്റെ സ്‌ക്രീന്‍ ഷോട്ടെടുത്ത് നിങ്ങളുടെ പിന്‍ കോഡടക്കമുള്ള അഡ്രസും ഫോണ്‍ നമ്പറും സഹിതം 9526 133 833 എന്ന നമ്പറിലേക്ക് അയക്കുക. തിരഞ്ഞെടുക്കപ്പെടുന്ന ഒരാള്‍ക്ക് അമൃത് വേണി ഹെയര്‍ എലിക്‌സിറിന്റെ 460 രൂപ വിലയുള്ള 50ml ന്റെ ബോട്ടില്‍ ദിവസേന സമ്മാനമായി ലഭിക്കുന്നതാണ്.
*ജനുവരി 27 ലെ വിജയി : സുധീഷ്, വലപ്പാട് പോസ്റ്റ്, തൃശൂര്‍*
◾https://dailynewslive.in/ നെന്മാറ ഇരട്ടക്കൊലക്കേസില്‍ പോലീസിന്റെ വീഴ്ച സംബന്ധിച്ച് ക്രമസമാധാന ചുമതലയുള്ള എ.ഡി.ജി.പി മനോജ് എബ്രഹാം പാലക്കാട് എസ്.പിയോട് റിപ്പോര്‍ട്ട് തേടി. പ്രതി ചെന്താമര ജാമ്യ വ്യവസ്ഥകള്‍ ലംഘിച്ച് നാട്ടിലെത്തിയ കാര്യം നാട്ടുകാരും കൊല്ലപ്പെട്ട സുധാകരന്റെ ബന്ധുക്കളും നെന്മാറ പോലീസിനെ അറിയിച്ചിരുന്നെങ്കിലും പോലീസിന്റെ ഭാഗത്തുനിന്ന് കാര്യമായ നടപടിയൊന്നും ഉണ്ടായിരുന്നില്ല. ഇതിനു പിന്നാലെയാണ് സംഭവത്തില്‍ നെന്മാറ പോലീസിനു സംഭവിച്ച വീഴ്ച സംബന്ധിച്ച് റിപ്പോര്‍ട്ട് നല്‍കാന്‍ എ.ഡി.ജി.പി മനോജ് എബ്രഹാം പാലക്കാട് എസ്പിയോട് ആവശ്യപ്പെട്ടിരിക്കുന്നത്.
◾https://dailynewslive.in/ നെന്മാറ ഇരട്ടക്കൊലപാതകത്തില്‍ പൊലീസിന്റെ വീഴ്ച്ചയില്‍ പ്രതിഷേധിച്ച് പൊലീസ് സ്റ്റേഷനിലേക്ക് യൂത്ത് കോണ്‍ഗ്രസ്സിന്റെ മാര്‍ച്ച്. പ്രവര്‍ത്തകര്‍ ബാരിക്കേഡിന് മുകളില്‍ കയറി പ്രതിഷേധിച്ചതോടെ പ്രവര്‍ത്തകരും പൊലീസും തമ്മില്‍ വാക്കേറ്റമുണ്ടായി. രാഹുല്‍ മാങ്കൂട്ടത്തില്‍ എംഎല്‍എയുടെ നേതൃത്വത്തിലുള്ളവര്‍ പ്രവര്‍ത്തകരെ സംഘര്‍ഷത്തില്‍ നിന്ന് പിന്തിരിപ്പിച്ചു. നെന്മാറ കൊലപാതകത്തിന് സാഹചര്യം ഉണ്ടാക്കിക്കൊടുത്തത് പൊലീസ് ആണെന്ന് രാഹുല്‍ മാങ്കൂട്ടത്തില്‍ പറഞ്ഞു.
◾https://dailynewslive.in/ നെന്മാറയില്‍ ഇരട്ടക്കൊല കേസിലെ പ്രതി ചെന്താമരയെ പാലക്കാട് നഗരത്തില്‍ കണ്ടതായി സൂചന. കോട്ടമൈതാനത്ത് കണ്ടെന്നാണ് വിവരം കിട്ടിയത്. വിവരത്തിന്റെ അടിസ്ഥാനത്തില്‍ പാലക്കാട് നഗരത്തില്‍ പൊലീസ് പരിശോധന നടത്തിയെങ്കിലും കണ്ടെത്താനായില്ല. അതിനിടെ നെന്മാറ ബസ് സ്റ്റാന്‍ഡില്‍ രാവിലെ പ്രതിയെ കണ്ടതായും സൂചന ലഭിച്ചു.
*Unskippable കളക്ഷനുമായി പുളിമൂട്ടില്‍ സില്‍ക്‌സിന്റെ X’mas, New Year Celebrations*
പുളിമൂട്ടില്‍ സില്‍ക്‌സിന്റെ നൂറാം ക്രിസ്തുമസ്, പുതുവത്സര ആഘോഷങ്ങള്‍ നിങ്ങള്‍ക്കൊരിക്കലും സ്‌കിപ്പ് ചെയ്യാനാകില്ല. കാരണം ഏറ്റവും വലിയ ക്രിസ്തുമസ് കളക്ഷനുകളും കിടിലന്‍ പുതുവത്സര കളക്ഷനുകളും ട്രെന്‍ഡിംഗ്‌ വെഡ്ഡിംഗ് കളക്ഷനുകളും പുളിമൂട്ടിൽ സിൽക്‌സിൽ മാത്രം. നിങ്ങള്‍ ആഗ്രഹിച്ചത് എന്തും ഇവിടെ ഉണ്ട്. വരൂ, നമുക്ക് ആഘോഷങ്ങള്‍ കളറാക്കാം.
*പുളിമൂട്ടില്‍ സില്‍ക്‌സ്*
*നൂറിന്റെ നിറവിന്റെ വിശ്വാസ്യത*
◾https://dailynewslive.in/ വയനാട് കുറുക്കന്‍ മൂല കാവേരി പൊയിലില്‍ വനഭാഗത്തോട് ചേര്‍ന്ന ജനവാസ മേഖലയില്‍ കടുവയെ കണ്ടെന്ന് സൂചന. ഇന്നലെ രാത്രി പ്രദേശവാസിയായ ലക്ഷ്മിയുടെ വീട്ടിലെ വളര്‍ത്തു നായയെ കടുവ പിടിച്ചുവെന്നും താന്‍ കടുവയെ നേരിട്ട് കണ്ടുവെന്നും ലക്ഷ്മി പറഞ്ഞു.
◾https://dailynewslive.in/ വയനാട്ടില്‍ അടിക്കടി കടുവയുടെ സാന്നിധ്യം സ്ഥിരീകരിക്കുന്ന സാഹചര്യത്തില്‍ വ്യാഴാഴ്ചവരെ ജനകീയ തിരച്ചില്‍ നടത്തുമെന്ന് വനംമന്ത്രി എ.കെ. ശശീന്ദ്രന്‍. ജനവാസകേന്ദ്രങ്ങളുമായി അതിരിടുന്ന വനമേഖലകളിലും, കടുവയുടെ സാന്നിധ്യമുണ്ടായതായി സ്ഥിരീകരിച്ച മറ്റിടങ്ങളിലുമാണ് പരിശോധന നടത്തുക. നരഭോജിക്കടുവയെ ചത്തനിലയില്‍ കണ്ടെത്തിയെങ്കിലും ജനങ്ങളുടെ സുരക്ഷ പരിഗണിച്ച് പഞ്ചാരക്കൊല്ലിയിലും സമീപപ്രദേശങ്ങളിലും തിരച്ചില്‍ നടത്തും.
◾https://dailynewslive.in/ അരീക്കോട് കൂരംകല്ലില്‍ കാട്ടാന കിണറ്റില്‍ വീണ സംഭവത്തില്‍ രക്ഷാപ്രവര്‍ത്തനത്തില്‍ കാലതാമസം വരുത്തിയതിന് ഉന്നത നിര്‍ദേശപ്രകാരം കേസെടുത്തു. കേസില്‍ നിലവില്‍ ആരെയും പ്രതിചേര്‍ത്തിട്ടില്ല. ഈ മാസം 23ന് പുലര്‍ച്ചെ ഒരുമണിക്കാണ് അട്ടാറുമാക്കല്‍ സണ്ണി സേവ്യറിന്റ കിണറ്റില്‍ ആന വീണത്. ജനവാസ മേഖലയിലെ കിണറില്‍ വീണ കാട്ടാനയെ രക്ഷിച്ചത് മണിക്കൂറുകള്‍ എടുത്താണ്.
*കെ.എസ്.എഫ്.ഇ ഗാലക്‌സി ചിട്ടികളില്‍ ചേരൂ, ജീവിതം അടിപൊളിയാക്കൂ..*
2024 ഏപ്രില്‍ 1 മുതല്‍ 2025 ഫെബ്രുവരി 28 വരെ ◼️മെഗാ ബമ്പര്‍ സമ്മാനം ഒരു മെഴ്‌സിഡസ് ബെന്‍സ് കാര്‍ ◼️ബമ്പര്‍ സമ്മാനം: 17 ഇന്നോവ കാറുകള്‍
*കെ.എസ്.എഫ്.ഇ ഗാലക്‌സി ചിട്ടികള്‍ (സീരീസ് 3):*
2024 നവംബര്‍ 1 മുതല്‍ 2025 ഫെബ്രുവരി 28 വരെ ◼️ശാഖാതല സമ്മാനങ്ങള്‍ : 5,000 ഗിഫ്റ്റ് കാര്‍ഡുകള്‍ ◼️ ഓരോ ചിട്ടിയിലും ഒരാള്‍ക്ക് വീതം.
*ടോള്‍ ഫ്രീ ഹെല്‍പ്പ് ലൈന്‍ നമ്പര്‍ : 1800-425-3455*
◾https://dailynewslive.in/ മദ്യവില കൂട്ടിയും അമിത നികുതി ഈടാക്കിയും മദ്യപരെ സര്‍ക്കാര്‍ കൊള്ളയടിക്കുകയാണെന്ന് ചെറിയാന്‍ ഫിലിപ്പ്. വര്‍ഷം തോറും മദ്യവില കൂട്ടി മദ്യകമ്പനികളെ സഹായിക്കുന്നത് രാഷ്ട്രീയ അഴിമതിയാണെങ്കിലും, സമാന്തരമായി സര്‍ക്കാര്‍ ഖജനാവിലേക്ക് വന്‍ തുകയാണ് സമാഹരിക്കുന്നതെന്നും ലോകത്തൊരിടത്തും ഇല്ലാത്ത 250 ശതമാനം വരെ മദ്യനികുതി കേരളത്തില്‍ വാങ്ങുമ്പോള്‍, മിക്ക വിദേശ രാജ്യങ്ങളിലും മദ്യ നികുതി ഭക്ഷ്യവസ്തുക്കളുടെ നികുതിയായ പത്തുശതമാനത്തില്‍ താഴെയാണെന്നും അദ്ദേഹം പറഞ്ഞു.
◾https://dailynewslive.in/ മാള ഹോളി ഗ്രേസില്‍ നടക്കുന്ന കാലിക്കറ്റ് സര്‍വകലാശാല ഡി സോണ്‍ കലോത്സവത്തില്‍ സംഘര്‍ഷം. സംഘര്‍ഷത്തില്‍ 20 ഓളം കെ.എസ്.യു, എസ്.എഫ്.ഐ. വിദ്യാര്‍ഥികള്‍ക്ക് പരിക്കേറ്റു. പരിക്കേറ്റവരെ കൊണ്ടുപോയ ആംബുലന്‍സ് ഒരുവിഭാഗം പിന്തുടര്‍ന്ന് തകര്‍ത്തു. കലോത്സവത്തിലെ മത്സരങ്ങള്‍ ഏറെ വൈകുന്നതും ഫലപ്രഖ്യാപനത്തിലെ അപാകതകളും സംബന്ധിച്ച് തുടക്കം മുതല്‍ തര്‍ക്കങ്ങളുണ്ടായിരുന്നു.
◾https://dailynewslive.in/ കാലിക്കറ്റ് യൂണിവേഴ്സിറ്റി ഡീസോണ്‍ കലോത്സവത്തിനിടെ ആക്രമണം തുടങ്ങിവച്ചത് എസ്എഫ്ഐക്കാരെന്ന് കാലിക്കറ്റ് യൂണിവേഴ്സിറ്റി ചെയര്‍ പേഴ്സണ്‍ നിഥിന്‍ ഫാത്തിമ. സ്‌കിറ്റ് മത്സരം തീര്‍ന്നതിനു പിന്നാലെ സ്റ്റേജ് കയ്യേറി എസ്എഫ്ഐക്കാര്‍ അക്രമം അഴിച്ചുവിട്ടുവെന്നും ഇപ്പോള്‍ പുറത്തുവന്നിരിക്കുന്നത് കെഎസ് യുക്കാര്‍ അക്രമം നടത്തുന്ന ദൃശ്യങ്ങള്‍ മാത്രമാണെന്നും എസ്എഫ്ഐക്കാര്‍ അക്രമം നടത്തുന്ന ദൃശ്യങ്ങള്‍ പുറത്തുവന്നിട്ടില്ലെന്നും അവര്‍ പറഞ്ഞു.
◾https://dailynewslive.in/ സ്ത്രീത്വത്തെ അപമാനിച്ചെന്ന നടിയുടെ പരാതിയില്‍ സനല്‍കുമാര്‍ ശശിധരനെതിരെ ലുക്ക് ഔട്ട് സര്‍ക്കുലര്‍ ഇറക്കുമെന്ന് പോലീസ്. വിമാനത്താവളത്തില്‍ എത്തിയാല്‍ പിടികൂടാനാണ് സര്‍ക്കുലര്‍. പിന്തുടര്‍ന്ന് ശല്യംചെയ്യുന്നതായുള്ള നടിയുടെ പരാതിയില്‍ സനല്‍കുമാര്‍ ശശിധരനെ പ്രതിയാക്കി എറണാകുളം എളമക്കര പോലീസ് കേസെടുത്തിരുന്നു.
◾https://dailynewslive.in/ കഠിനംകുളം ആതിര കൊലപാതകത്തില്‍ പ്രതി ജോണ്‍സന്റെ മൊഴി വിശദീകരിച്ച് ആറ്റിങ്ങല്‍ ഡിവൈഎസ്പി. ആതിരയും ജോണ്‍സണും ഒരുമിച്ച് താമസിക്കാന്‍ വീട് എടുത്തിരുന്നുവെന്ന് പ്രതി മൊഴി നല്‍കിയതായി ഡിവൈഎസ്പി പറഞ്ഞു. കുട്ടിയെ ഉപേക്ഷിച്ചു വരാന്‍ തയ്യാറല്ലെന്നു ആതിര പറഞ്ഞതിനെ തുടര്‍ന്നാണ് ബലം പ്രയോഗിച്ചു കഴുത്തില്‍ കുത്തി കൊലപ്പെടുത്തിയതെന്നും ജോണ്‍സണ്‍ മൊഴി നല്‍കിയതായി പൊലീസ് പറഞ്ഞു. ആതിരയുടെ ബന്ധം കുടുംബം അറിഞ്ഞിരുന്നുവെന്നും ജോണ്‍സനുമായുള്ള ബന്ധം അറിഞ്ഞതിനെ തുടര്‍ന്ന് കുടുംബം ആതിരയെ ബന്ധത്തില്‍ നിന്ന് പിന്തിരിപ്പിച്ചുവെന്നും ഇതോടെയാണ് കൊല്ലാന്‍ തീരുമാനിച്ചതെന്നും പ്രതിയുടെ മൊഴിയിലുണ്ട്.
◾https://dailynewslive.in/ കൂത്താട്ടുകുളത്തെ കൗണ്‍സിലര്‍ കലാ രാജുവിന്റെ മകനെതിരെ സിപിഎം പ്രാദേശിക നേതാവ് നല്കിയ പരാതി വ്യാജമെന്ന് പൊലീസ് കണ്ടെത്തി. കലാ രാജുവിന്റെ മകന്‍ ബാലുവും സുഹൃത്തുക്കളും ചേര്‍ന്ന് തന്നെ മര്‍ദിച്ചെന്നാരോപിച്ച് സിപിഎം തിരുമാറായി ലോക്കല്‍ കമ്മിറ്റി അംഗം സിബി പൗലോസ് നല്കിയ പരാതിയില്‍ പൊലീസ് കേസ് എടുത്തിരുന്നു. എന്നാല്‍ സംഭവം നടന്നുവെന്ന് ആരോപിക്കുന്ന സമയം ബാലുവും സുഹൃത്തുക്കളും കൂത്താട്ടുകുളത്ത് ഉണ്ടായിരുന്നില്ല എന്ന് പൊലീസ് കണ്ടെത്തി.
◾https://dailynewslive.in/ ആലുവ എടത്തലയിലെ പിവി അന്‍വറിന്റെ കൈവശമുള്ള പാട്ട ഭൂമിയിലെ കെട്ടിടം പൊളിച്ചു നീക്കണമെന്ന ഹര്‍ജിയില്‍ പി വി അന്‍വറിന്റെ ഉടമസ്ഥയിലുള്ള പിവീസ് റിയല്‍ട്ടേഴ്സിനെയും നാവിക ആയുധ സംഭരണ കേന്ദ്രത്തെയും കക്ഷി ചേര്‍ക്കാന്‍ ഹൈക്കോടതി നിര്‍ദേശം. നാവിക ആയുധ സംഭരണ ശാലയോട് ചേര്‍ന്നാണ് അന്‍വറിന്റെ കൈവശമുള്ള പാട്ട ഭൂമിയിലെ കെട്ടിടം സ്ഥിതി ചെയ്യുന്നത്. ഇത് പൊളിച്ചു നീക്കണമെന്ന് ആവശ്യപ്പെട്ടാണ് ഹൈക്കോടതിയില്‍ സ്വകാര്യ ഹര്‍ജി എത്തിയത്.
◾https://dailynewslive.in/ കാരണവര്‍ കൊലക്കേസില്‍ ശിക്ഷിക്കപ്പെട്ട ഷെറിന് ജയില്‍മോചിതയാകുന്നു. ജീവപര്യന്തം തടവിന് ശിക്ഷിക്കപ്പെട്ട ഷെറിന് ശിക്ഷായിളവ് നല്‍കാന്‍ മന്ത്രിസഭായോഗത്തില്‍ തീരുമാനമായി. ശിക്ഷ 14 വര്‍ഷം പൂര്‍ത്തിയായ സാഹചര്യത്തിലാണ് ഇളവ് പരിഗണിച്ചത്. 2009 നവംബര്‍ ഏഴിനാണ് ചെറിയനാട് തുരുത്തിമേല്‍ കാരണവേഴ്‌സ് വില്ലയില്‍ ഭാസ്‌കരക്കാരണവര്‍ കൊല്ലപ്പെട്ടത്. അദ്ദേഹത്തിന്റെ മകന്റെ ഭാര്യയായിരുന്നു ഷെറിന്.
◾https://dailynewslive.in/ സൗദി ജിസാനിലെ അറാംകോ റിഫൈനറി റോഡില്‍ നടന്ന വാഹനാപകടത്തില്‍ ഒരു മലയാളിയടക്കം 15 പേര്‍ മരിച്ചു. മരിച്ചവരില്‍ ഒമ്പതു പേര്‍ ഇന്ത്യക്കാരാണ്. മൂന്ന് നേപ്പാള്‍ സ്വദേശികളും 3 ഘാന സ്വദേശികളും ഇതില്‍ ഉള്‍പ്പെടുന്നു. കൊല്ലം കുണ്ടറ കേരളപുരം ശശീന്ദ്ര ഭവനത്തില്‍ പ്രസാദിന്റെയു രാധയുടെയും മകനായ വിഷ്ണു പ്രസാദ് പിള്ള (31) യാണ് മരണപ്പെട്ട മലയാളി. 26 ജീവനക്കാര്‍ സഞ്ചരിച്ച മിനി വാന്‍ ആണ് അപകടത്തില്‍പ്പെട്ടത്.
◾https://dailynewslive.in/ ദില്ലിയില്‍ അധികാരത്തിലെത്തിയാല്‍ കേന്ദ്രസര്‍ക്കാറുമായി ചേര്‍ന്ന് ആന്റി റോമിയോ സ്‌ക്വാഡ് സ്ഥാപിക്കുമെന്ന വാഗ്ദാനവുമായി ബിജെപിയുടെ പ്രകടന പത്രിക. പൊതുവിടങ്ങളിലെ സ്ത്രീ സുരക്ഷയ്ക്കായാണ് സ്‌ക്വാഡ് എന്നാണ് അവകാശവാദം. ഉത്തര്‍പ്രദേശില്‍ യോഗി സര്‍ക്കാര്‍ ഏറ്റവും വലിയ നേട്ടമായി അവതരിപ്പിക്കുന്ന പദ്ധതിയാണ് ആന്റി റോമിയോ സ്‌ക്വാഡ്.
◾https://dailynewslive.in/ തെലങ്കാനയില്‍ ദുരഭിമാനക്കൊലയെന്ന് സംശയം. തെലങ്കാനയിലെ സൂര്യപേട്ടില്‍ ദളിത് യുവാവ് സൂര്യപേട്ട് സ്വദേശി വി കൃഷ്ണന്റെ മൃതദേഹം കനാലില്‍ കണ്ടെത്തിയതിനെ തുടര്‍ന്നാണ് സംശയം ഉയര്‍ന്നിരിക്കുന്നത്. ആറ് മാസം മുന്‍പ് ഇതര സമുദായത്തില്‍ നിന്നുള്ള പെണ്‍കുട്ടിയെ കൃഷ്ണ പ്രണയിച്ച് വിവാഹം കഴിച്ചിരുന്നു. ഇവരുടെ കുടുംബാംഗങ്ങള്‍ തന്റെ മകനെ ആക്രമിച്ച് കൊലപ്പെടുത്തിയെന്നാണ് കൃഷ്ണയുടെ അച്ഛന്‍ ആരോപിക്കുന്നത്.
◾https://dailynewslive.in/ തമിഴ്നാട്ടിലെ കോഴിപ്പോരിന് നിരോധനം നീങ്ങിയതോടെ തമിഴ്നാട്ടിലുടനീളം കോഴിപ്പോര് മത്സരം സജീവമായി. കോഴിപോരിനുവേണ്ടി പ്രത്യേകം ഇനം കോഴികളെ ആറ് മാസം വരെ പ്രത്യേക പരിശീലനം നല്‍കിയാണ് വളര്‍ത്തുന്നത്. പോരിനിടയില്‍ കോഴിയുടെ കാലില്‍ കെട്ടിയിരുന്ന മൂര്‍ച്ചയേറിയ കത്തി തറച്ച് കാണികളിലൊരാള്‍ മുമ്പ് മരണപ്പെട്ടതിനെ തുടര്‍ന്ന് കാള പോരിനൊപ്പം കോഴിപ്പോരിനും സുപ്രീം കോടതി വിലക്ക് കല്പിച്ചിരുന്നു.
◾https://dailynewslive.in/ സ്ത്രീധന, ഗാര്‍ഹിക പീഡന നിയമങ്ങള്‍ പുനഃപരിശോധിച്ച് പരിഷ്‌കരിക്കാന്‍ വിദഗ്ദ്ധ സമിതി രൂപീകരിക്കണമെന്ന് ആവശ്യപ്പെട്ടുകൊണ്ട് വിശാല്‍ തീവാരി എന്ന അഭിഭാഷകന്‍ നല്കിയ ഹര്‍ജി സുപ്രീം കോടതി തള്ളി. കഴിഞ്ഞ ദിവസം ബംഗളുരുവില്‍ ഭാര്യയും ഭാര്യ വീട്ടുകാരും നല്കിയ വ്യാജ പരാതിയെ തുടര്‍ന്ന് ആത്മഹത്യ ചെയ്ത അതുല്‍ സുഭാഷിന്റെ മരണത്തിന്റെ അടിസ്ഥാനത്തിലായിരുന്നു ഹര്‍ജി. എന്നാല്‍ സുപ്രീം കോടതി ഹര്‍ജി കേള്‍ക്കാന്‍ വിസമ്മതം അറിയിച്ചു. സമൂഹമാണ് മാറേണ്ടതെന്നും അല്ലാതെ ഒന്നും ചെയ്യാന്‍ കഴിയില്ലെന്നും ജസ്റ്റിസ് ബിവി നാഗരത്ന, ജസ്റ്റിസ് സതീഷ് ചന്ദ്ര ശര്‍മ എന്നിവരടങ്ങിയ ബെഞ്ച് വ്യക്തമാക്കി.
◾https://dailynewslive.in/ നയന്‍താരയുടെ ഡോക്യുമെന്ററി വിവാദത്തില്‍ ധനുഷിന്റെ ഹര്‍ജി പരിഗണിക്കരുതെന്ന നെറ്റ്ഫ്ലിക്സിന്റെ ആവശ്യം മദ്രാസ് ഹൈക്കോടതി തള്ളി. പകര്‍പ്പവകാശ നിയമം ലംഘിച്ചെന്ന് ആരോപിച്ചാണ് ധനുഷ് ഹര്‍ജി നല്‍കിയത്. ധനുഷിന്റെ ഹര്‍ജിയില്‍ ഫെബ്രുവരി അഞ്ചിന് ഹൈക്കോടതി വാദം കേള്‍ക്കും.
◾https://dailynewslive.in/ ഉത്തര്‍പ്രദേശിലെ ഭാഗ്പതില്‍ ലഡു മഹോത്സവത്തിനിടെ പ്ലാറ്റ്ഫോം തകര്‍ന്നുവീണ് ആറ് പേര്‍ മരിച്ചു. 50 പേര്‍ക്ക് പരിക്കേറ്റു. നിരവധിപ്പേര്‍ കയറിനിന്നതോടെ ഭാരം താങ്ങാന്‍ സാധിക്കാതെയാണ് മുളയില്‍ തീര്‍ത്ത പ്ലാറ്റ്ഫോം നിലംപൊത്തിയത്. പരിക്കേറ്റവരെ പ്രദേശത്തെ ആശുപത്രിയില്‍ പ്രവേശിപ്പിച്ചു.
◾https://dailynewslive.in/ ഉയര്‍ന്ന അളവില്‍ ക്ലോറേറ്റ് സാന്നിദ്ധ്യം കണ്ടെത്തിയതിന്റെ അടിസ്ഥാനത്തില്‍ കൊക്കകോളയും സ്പ്രൈറ്റും മറ്റ് ഉത്പന്നങ്ങളും തിരിച്ചുവിളിച്ച് കമ്പനി. ആരോഗ്യപരമായ കാരണങ്ങള്‍ മുന്‍നിര്‍ത്തിയാണ് കമ്പനിയുടെ ഈ നടപടി. ബെല്‍ജിയം, നെതര്‍ലന്റ്സ്, ബ്രിട്ടന്‍, ജര്‍മനി, ഫ്രാന്‍സ് എന്നീ രാജ്യങ്ങളില്‍ നവംബര്‍ മുതല്‍ വിതരണം ചെയ്ത കാനുകളിലും ഗ്ലാസ് ബോട്ടിലുകളിലുമാണ് ഉയര്‍ന്ന അളവില്‍ ക്ലോറേറ്റ് കണ്ടെത്തിയത്.
◾https://dailynewslive.in/ സൈന്യത്തില്‍ നിന്ന് ട്രാന്‍സ്ജെന്‍ഡറുകളെ നീക്കം ചെയ്യാനുള്ള നടപടികളുമായി അമേരിക്കന്‍ പ്രസിഡന്റ് ഡൊണാള്‍ഡ് ട്രംപ്. സൈന്യത്തില്‍ ഉപയോഗിച്ചുവരുന്ന ഭിന്നലിംഗ സൗഹൃദ സര്‍വ്വനാമങ്ങള്‍ നീക്കം ചെയ്യാനുള്ള ഉത്തരവില്‍ ട്രംപ് ഒപ്പുവച്ചു. ഇതിനുള്ള നടപടി സ്വീകരിച്ചതായി അദ്ദേഹം ഇന്നലെ വ്യക്തമാക്കി.
◾https://dailynewslive.in/ പ്രധാന മന്ത്രി നരേന്ദ്ര മോദി ഫെബ്രുവരിയില്‍ വൈറ്റ് ഹൗസ് സന്ദര്‍ശിച്ചേക്കുമെന്ന് അമേരിക്കന്‍ പ്രസിഡന്റ് ഡൊണാള്‍ഡ് ട്രംപ് മാധ്യമങ്ങളോട് പറഞ്ഞു. താന്‍ കുറെ നേരം അദ്ദേഹവുമായി ഫോണില്‍ സംസാരിച്ചുവെന്നും വൈറ്റ് ഹൗസ് സന്ദര്‍ശിക്കാന്‍ അദ്ദേഹം വരുന്നുണ്ടെന്നും ഫെബ്രുവരിയില്‍ ആയിരിക്കും സന്ദര്‍ശനത്തിന് വരുന്നതെന്നുമാണ് ട്രംപ് പറഞ്ഞത്.
◾https://dailynewslive.in/ ഇന്ത്യന്‍ ക്യാപ്റ്റന്‍ രോഹിത് ശര്‍മ രഞ്ജി ട്രോഫിയില്‍ കളിച്ചത് ബിസിസിഐയുടെ വാര്‍ഷിക കരാറില്‍ നിന്ന് പുറത്തുപോകാതിരിക്കാന്‍ വേണ്ടി മാത്രമാണെന്ന് സംശയിക്കുന്നവരെ കുറ്റം പറയാനാവില്ലെന്ന് സുനില്‍ ഗവാസ്‌കര്‍. സുനില്‍ ഗവാസ്‌കറുടെ വിമര്‍ശനങ്ങള്‍ക്കെതിരെ രോഹിത് ശര്‍മ ബിസിസിഐക്ക് പരാതി നല്‍കിയെന്ന റിപ്പോര്‍ട്ടുകള്‍ക്കിടെയാണ് വീണ്ടും വിമര്‍ശനം.
◾https://dailynewslive.in/ അഞ്ച് മത്സരങ്ങളടങ്ങിയ ഇംഗ്ലണ്ടിനെതിരായ ടി20 പരമ്പരയിലെ മൂന്നാമത്തെ മത്സരം ഇന്ന് ഗുജറാത്തിലെ രാജ്കോട്ടിലെ സൗരാഷ്ട്ര ക്രിക്കറ്റ് സ്റ്റേഡിയത്തില്‍ വൈകീട്ട് 7 മണി മുതല്‍. ആദ്യ രണ്ട് മത്സരങ്ങളിലും വിജയിച്ച ഇന്ത്യക്ക് ഇന്നത്തെ മത്സരത്തില്‍ കൂടി വിജയമുറപ്പിച്ചാല്‍ പരമ്പര നേടാനാകും.
◾https://dailynewslive.in/ ആലുവ ആസ്ഥാനമായ ഫെഡറല്‍ ബാങ്ക് മൂന്നാം പാദ (ഒക്ടോബര്‍-ഡിസംബര്‍) ഫലങ്ങള്‍ പ്രഖ്യാപിച്ചു. അറ്റ പലിശ വരുമാനം ഉള്‍പ്പെടെ ബാങ്കിന്റെ ഇതുവരെയുള്ള ഏറ്റവും ഉയര്‍ന്ന വരുമാനം നേടാനായെങ്കിലും ലാഭത്തില്‍ ഇടിവ് രേഖപ്പെടുത്തി. 2024 ഡിസംബറില്‍ അവസാനിച്ച പാദത്തില്‍ ഫെഡറല്‍ ബാങ്കിന്റെ മൊത്തം വരുമാനം 7,725 കോടി രൂപ എന്ന റെക്കോഡ് തൊട്ടു. 17.17% എന്ന മെച്ചപ്പെട്ട വാര്‍ഷിക വളര്‍ച്ച കൈവരിച്ചിട്ടുണ്ട്. 2,431 കോടി രൂപയാണ് അറ്റ പലിശ വരുമാനം. ലാഭം 955 കോടി രൂപയായി കുറഞ്ഞു. മുന്‍ പാദത്തിത്തെ ലാഭവുമായി നോക്കുമ്പോള്‍ ഏകദേശം 10 ശതമാനത്തോളം കുറവ്. ലാഭ മാര്‍ജിനും മൂന്ന് വര്‍ഷത്തെ ഏറ്റവും താഴ്ന്ന നിരക്കായ 12.37 ശതമാനത്തിലേക്കെത്തി. കിട്ടാക്കടം വര്‍ധിക്കുന്നുവെന്ന ആശങ്കകള്‍ക്കിടയിലും മൊത്ത നിഷ്‌ക്രിയ ആസ്തികള്‍ 1.95 ശതമാനമായും അറ്റ നിഷ്‌ക്രിയ ആസ്തികള്‍ 0.49 ശതമാനമായും മെച്ചപ്പെട്ടു. ബാങ്കിന്റെ ആസ്തി നിലവാരം ഒരു ദശാബ്ദത്തിനിടയിലെ ഏറ്റവും മികച്ച നിലയില്‍ എത്തിയിട്ടുണ്ട്. 2024 ഡിസംബര്‍ 31 വരെയുള്ള കണക്കനുസരിച്ച്, ബാങ്കിന്റെ മൊത്തം ബിസിനസ് 4,96,745 കോടി രൂപയായി. ഇതില്‍ 2,66,375 കോടിരൂപ നിക്ഷേപവും 2,30,370 കോടി മൊത്ത വായ്പകളുമാണ്.
◾https://dailynewslive.in/ വിവോ സബ് ബ്രാന്‍ഡായ ഐക്യൂഒഒയുടെ നിയോ സീരീസിലെ പുതിയ ഫോണ്‍ ആയ നിയോ 10ആര്‍ ഉടന്‍ ഇന്ത്യന്‍ വിപണിയില്‍. ക്വാല്‍കോം സ്നാപ്ഡ്രാഗണ്‍ 8 െജെന്‍ 3 പ്രോസസറാണ് ഇതിന് കരുത്തുപകരുക. ഏറ്റവും വേഗതയേറിയ പ്രോസസറുകളില്‍ ഒന്നാണിതെന്ന് കമ്പനി അവകാശപ്പെടുന്നു. വില 30,000 രൂപയില്‍ താഴെയായിരിക്കുമെന്നാണ് കരുതുന്നത്. 144 ഹെര്‍ട്സ് റിഫ്രഷ് റേറ്റുള്ള 6.78 ഇഞ്ച് അമോലെഡ് ഡിസ്പ്ലേ, 8/12 ജിബി റാമും 256/512 ജിബി സ്റ്റോറേജ് എന്നിവയുമായാണ് ഫോണ്‍ വിപണിയില്‍ എത്തുക. ബ്ലൂ വൈറ്റ് സ്ലൈസ്, ലൂണാര്‍ ടൈറ്റാനിയം എന്നി രണ്ട് കളര്‍ വേരിയന്റുകളില്‍ പുതിയ ഫോണ്‍ ലഭ്യമാകാന്‍ സാധ്യതയുണ്ട്. 6,400 എംഎഎച്ച് ബാറ്ററിയോടെ വരുന്ന ഫോണിന് 80വാട്ട് ഫാസ്റ്റ് ചാര്‍ജിങ്ങിനെ പിന്തുണയ്ക്കാനും കഴിയും. പുതിയ ഫോണ്‍ അടുത്ത മാസം ഇന്ത്യയില്‍ വിപണിയില്‍ എത്തുമെന്നാണ് പ്രതീക്ഷിക്കുന്നത്.
◾https://dailynewslive.in/ നാടന്‍ തല്ലും പ്രണയവും വാശിയും നിറയുന്ന വെടിക്കെട്ട് കാഴ്ചകളുമായി ‘പറന്ന് പറന്ന് പറന്ന് ചെല്ലാന്‍’ ട്രെയിലര്‍. ത്രില്ലിങ്ങായി പറയുന്ന ഫാമിലി ഡ്രാമ ചിത്രം അടിമുടി ഗ്രാമീണ പശ്ചാത്തലത്തിലാണ് ഒരുക്കിയിരിക്കുന്നത്. ഭ്രമയുഗം, സൂക്ഷ്മദര്‍ശിനി എന്നീ ചിത്രങ്ങളുടെ വന്‍വിജയങ്ങള്‍ക്കു ശേഷം സിദ്ധാര്‍ഥ് ഭരതന്‍ കേന്ദ്രകഥാപാത്രത്തെ അവതരിപ്പിക്കുന്ന ചിത്രമാണിത്. കിഷ്‌കിന്ധാകാണ്ഡം, റൈഫിള്‍ ക്ലബ് എന്നീ ചിത്രങ്ങള്‍ക്കു ശേഷം വ്യത്യസ്തമാര്‍ന്ന പ്രകടനവുമായി വിജയരാഘവനും ഈ സിനിമയിലെത്തുന്നു. ഉണ്ണി ലാലു, വിജയരാഘവന്‍, എന്നിവരോടൊപ്പം സജിന്‍ ചെറുകയില്‍, സമൃദ്ധി താര, ശ്രീജ ദാസ്, ശ്രീനാഥ് ബാബു, ദാസന്‍ കൊങ്ങാട്, രതീഷ് കുമാര്‍ രാജന്‍, കലാഭവന്‍ ജോഷി, രാധ ഗോമതി, തങ്കം മോഹന്‍ തുടങ്ങിയവരും ചിത്രത്തില്‍ പ്രധാന വേഷങ്ങളില്‍ എത്തുന്നു. രാംനാഥ്, ജോയ് ജിനിത് എന്നിവരുടെ സംഗീതത്തിന് വരികള്‍ ഒരുക്കുന്നത് ദിന്‍നാഥ് പുത്തഞ്ചേരി, ദീപക് റാം, അരുണ്‍ പ്രതാപ് എന്നിവര്‍ ചേര്‍ന്നാണ്. ഒരു വലിയ ഇടവേളക്ക് ശേഷം മധു അമ്പാട്ട് ക്യാമറ നിര്‍വഹിക്കുന്ന ചിത്രമാണിത്. ജനുവരി 31ന് തിയറ്ററുകളില്‍ എത്തും.
◾https://dailynewslive.in/ ബേസില്‍ ജോസഫിനെ നായകനാക്കി നവാഗതനായ ജ്യോതിഷ് ശങ്കര്‍ സംവിധാനം ചെയ്യുന്ന ‘പൊന്‍മാന്‍’ എന്ന ചിത്രത്തിന്റെ ട്രെയിലര്‍ പുറത്ത്. ത്രില്ലര്‍ സ്വഭാവത്തില്‍ കഥ പറയുന്ന ഒരു ചിത്രമായിരിക്കും ഇത്. ഒരു കടലോര ഗ്രാമത്തിന്റെ പശ്ചാത്തലത്തിലാണ് സിനിമയുടെ കഥ നടക്കുന്നത്. വിവാഹവും സ്ത്രീധനവുമായി ബന്ധപ്പെട്ട പ്രശ്നങ്ങളിലൂടെയാണ് സിനിമ വികസിക്കുന്നത്. കോമഡി ട്രാക്ക് മാറ്റി പിടിച്ച ബേസിലിന്റെയും സജിന്‍ ഗോപുവിന്റെയും അടിമുടി നാടന്‍ അവതാരങ്ങളാണ് ട്രെയിലറിന്റെ ആകര്‍ഷണം. ശ്രദ്ധേയമായ വേഷത്തില്‍ ലിജോമോളും എത്തുന്നു. അജിത് വിനായക ഫിലിംസിന്റെ ബാനറില്‍ വിനായക അജിത് നിര്‍മിക്കുന്ന ഈ ചിത്രം, ജി ആര്‍ ഇന്ദുഗോപന്റെ ‘നാലഞ്ച് ചെറുപ്പക്കാര്‍’ എന്ന നോവലിനെ ആസ്പദമാക്കിയാണ് ഒരുക്കിയിരിക്കുന്നത്. പ്രശസ്ത കലാസംവിധായകനും പ്രൊഡക്ഷന്‍ ഡിസൈനറുമായ ജ്യോതിഷ് ശങ്കര്‍ സംവിധായകനായി അരങ്ങേറ്റം കുറിക്കുന്ന ചിത്രമാണിത്. ജനുവരി 30ന് ചിത്രം റിലീസ് ചെയ്യും. ചിത്രത്തില്‍, സ്റ്റെഫി ആയി ലിജോമോള്‍ ജോസ്, മരിയന്‍ ആയി സജിന്‍ ഗോപു, ബ്രൂണോ ആയി ആനന്ദ് മന്മഥന്‍ എന്നിവരും നിര്‍ണ്ണായക കഥാപാത്രങ്ങളെ അവതരിപ്പിക്കുന്നു.
◾https://dailynewslive.in/ ഇലക്ട്രിക് ബൈക്ക് റോഡ്സ്റ്റര്‍ എക്‌സിന്റെ നിര്‍മാണം ആരംഭിച്ച വിവരം ഔദ്യോഗികമായി സ്ഥിരീകരിച്ച് ഒല ഇലക്ട്രിക്. സിഇഒ ഭവീഷ് അഗര്‍വാള്‍ സോഷ്യല്‍മീഡിയ വഴിയാണ് റോഡ്സ്റ്റര്‍ എക്‌സിന്റെ നിര്‍മാണം ആരംഭിച്ചത് സ്ഥിരീകരിച്ചത്. ഒല ഇലക്ട്രിക്കിന്റെ നിര്‍മാണ ഫാക്ടറിയില്‍ നിന്നുള്ള ദൃശ്യങ്ങളാണ് ഭവീഷ് പുറത്തുവിട്ടത്. ഡബിള്‍ ഡൗണ്‍ ട്യൂബ് ചേസിസാണ് റോഡ്സ്റ്റര്‍ എക്‌സിലെന്ന് ചിത്രങ്ങളില്‍ നിന്നും വ്യക്തമാണ്. സാധാരണ മോട്ടോര്‍സൈക്കിളുകളില്‍ ഇന്ധന ടാങ്ക് സ്ഥിതി ചെയ്യുന്ന സ്ഥാനത്താണ് റോഡ്സ്റ്റര്‍ എക്‌സിന്റെ ബാറ്ററിയുള്ളത്. അപ്‌സൈഡ് ഡൗണ്‍ ഫ്രണ്ട് ഫോര്‍ക്കും ഡബിള്‍ കോയില്‍ റിയര്‍ സസ്‌പെന്‍ഷനും പരമ്പരാഗത ചെയിന്‍ ആന്റ് സ്‌പോക്കറ്റ് ഡ്രൈവുമുള്ള വാഹനമായിരിക്കും റോഡ്സ്റ്റര്‍ എക്‌സ്. മുന്നില്‍ ഡിസ്‌ക് ബ്രേക്കും പിന്നില്‍ ഡ്രം ബ്രേക്കുമാണുള്ളത്. റോഡ്സ്റ്റര്‍ എക്‌സില്‍ 2.5 കിലോവാട്ട്, 3.5 കിലോവാട്ട്, 4.5 കിലോവാട്ട് എന്നിങ്ങനെ മൂന്നു ബാറ്ററി പാക്ക് ഓപ്ഷനുകള്‍. റോഡ്സ്റ്റര്‍ എക്‌സിന്റെ 2.5 കിലോവാട്ടിന് 74,999 രൂപയും 3.5 കിലോവാട്ടിന് 84,999 രൂപയും 4.5കിലോവാട്ടിന് 99,000 രൂപയുമാണ് ഒല വിലയിട്ടിരിക്കുന്നത്.
◾https://dailynewslive.in/ രസകരമായി വായിച്ചുപോകുമ്പോള്‍ അപ്രതീക്ഷിതമായി ഒരു ട്വിസ്റ്റ്, അതുവരെയില്ലാത്ത ഒരു കഥാപാത്രം കഥയിലേക്ക് കടന്നുവരുന്നു, നാം കഥയുടെ രസം എന്തെന്നറിഞ്ഞ് ത്രസിക്കുന്നു. ഇന്നിനെ മുന്നില്‍നിര്‍ത്തി അതിനുള്ളില്‍ നില്‍ക്കുന്ന മനുഷ്യരെ ഉള്‍പ്പെടുത്തി കാലത്തിന്റെ ആഴത്തെ സജികുമാര്‍ കഥകളിലൂടെ അടയാളപ്പെടുത്തുന്നു. ഇതിലെ കഥാപാത്രങ്ങളെയോ കഥാസന്ദര്‍ഭങ്ങളെയോ കഥാലോകത്തെയോ അന്വേഷിച്ച് മറ്റൊരിടത്തേക്ക് നമുക്ക് പോകേണ്ടിവരുന്നില്ല, നമ്മുടെ മുന്നില്‍ത്തന്നെയുള്ള കാര്യങ്ങളാണ് ഇവയ്ക്കുള്ളില്‍. ആധുനിക കാലത്തിന്റെ ബഹളങ്ങള്‍ക്കിടയിലും പ്രാകൃതവാസനകളാല്‍ നിയന്ത്രിക്കപ്പെടുന്ന മനുഷ്യജന്മങ്ങളെക്കുറിച്ചുള്ള കഥകള്‍. ‘അര്‍ബന്‍ വേട്ട’. എ.സജികുമാര്‍. മാതൃഭൂമി. വില 161 രൂപ.
◾https://dailynewslive.in/ ചോറ് അധികമായാല്‍ പാത്രത്തിലടച്ച് നേരെ ഫ്രിഡ്ജില്‍ കയറ്റും. അടുത്ത ദിവസങ്ങളില്‍ ചൂടാക്കിയും തിളപ്പിച്ചും അതു തീരുന്നതു വരെ അങ്ങനെ അഡ്ജസ്റ്റ് ചെയ്തെടുക്കും. എന്നാല്‍ ഈ അഡ്ജസ്റ്റുമെന്റ് ആരോഗ്യത്തിന് തീരേ നല്ലതല്ല. ചോറ് പോലെ അന്നജം അടങ്ങിയ ഭക്ഷണം വീണ്ടും ചൂടാക്കുമ്പോള്‍ അന്നജം തരികളുടെ ക്രിസ്റ്റല്‍ മേഖലയ്ക്ക് കേടുപാടുകള്‍ വര്‍ധിപ്പിക്കാന്‍ ഇടയാക്കുകയും അവയുടെ സ്ഥിരത കുറയ്ക്കുകയും ചെയ്യുന്നു. ഇത് ചോറിനെ വിഷലിപ്തമാക്കിയേക്കാമെന്ന് 2022ല്‍ മോളിക്യൂള്‍സ് ജേണലില്‍ പ്രസിദ്ധീകരിച്ച പഠനത്തില്‍ പറയുന്നു. കൂടാതെ ചോറ് കൂടുതല്‍ നേരം സാധാരണ താപനിലയില്‍ സൂക്ഷിക്കുന്നത് അതില്‍ അടങ്ങിയ ബാസിലസ് എന്ന ബാക്ടീരിയ പെരുകാന്‍ കാരണമാകുന്നു. ചോറ് വീണ്ടും ചൂടാക്കിയാലു ഇവ നശിക്കുകയോ ഒഴിവാകുകയോ ചെയ്യുന്നില്ല. ഇത് വയറിളക്കം, ഛര്‍ദ്ദി തുടങ്ങിയവയിലേക്ക് നയിക്കുമെന്നും പോഷകാഹാര വിദഗ്ധര്‍ ചൂണ്ടിക്കാണിക്കുന്നു. മാത്രമല്ല, ബാക്കി വരുന്ന ചോറ് ഫ്രിഡ്ജില്‍ അധിക നാള്‍ സൂക്ഷിക്കുന്നതും അപകടമാണ്. ഫ്രിഡ്ജിനുള്ളല്‍ ഈര്‍പ്പം ഉള്ളതിനാല്‍ ചോറില്‍ പൂപ്പര്‍ ഉണ്ടാകാനുള്ള സാധ്യതയും കൂടൂതലാണെന്ന് വിദ്ഗധര്‍ പറയുന്നു. ഇത് കരളിന് ഹാനികരമായ അഫ്ലാറ്റോക്സിനുകള്‍ പുറത്തുവിടും. ചോറ് എപ്പോഴും ഫ്രഷ് ആയി കഴിക്കുന്നതാണ് നല്ലത്. എന്നാല്‍ ചോറ് ബാക്കിയാവുകയാണെങ്കില്‍ ഒരു മണിക്കൂര്‍ നേരം പുറത്തു വെച്ച ശേഷം പാത്രം തണുത്ത വെള്ളത്തില്‍ വെച്ച് നന്നായ തണുപ്പിച്ച ശേഷം ഫ്രിഡ്ജില്‍ സൂക്ഷിക്കാം. എന്നാല്‍ വേവിച്ച അരി രാത്രി മുഴുവന്‍ ഫ്രിഡ്ജില്‍ സൂക്ഷിക്കരുത്.
*ഇന്നത്തെ വിനിമയ നിരക്ക്*
ഡോളര്‍ – 86.52, പൗണ്ട് – 107.63. യൂറോ – 90.26, സ്വിസ് ഫ്രാങ്ക് – 95.42, ഓസ്‌ട്രേലിയന്‍ ഡോളര്‍ – 54.09, ബഹറിന്‍ ദിനാര്‍ – 229.56, കുവൈത്ത് ദിനാര്‍ -280.69, ഒമാനി റിയാല്‍ – 224.77, സൗദി റിയാല്‍ – 23.07, യു.എ.ഇ ദിര്‍ഹം – 23.56, ഖത്തര്‍ റിയാല്‍ – 23.57, കനേഡിയന്‍ ഡോളര്‍ – 60.08.